شوبير يوجه نصيحة لرمضان صبحي بعد انتقاله لبيراميدز.. ويذكره بتوقيت هدف طاهر العالمي

نصح الإعلامي أحمد شوبير، نائب رئيس اتحاد الكرة السابق، اللاعب رمضان صبحى المنتقل حديثًا لصفوف نادى بيراميدز، قائلًا له: "لا أحد يستطيع أن يصادر على حقك في الرحيل إلى أي ناد.. ده مستقبلك وإنت اللي بتقرر يمشي إزاي، ولكن دي نصيحة مني ليك يا رمضان ما تخسرش أي جمهور الفترة الجاية خصوصًا إن عندك في بيراميدز مش هتلاقي جمهور يساندك".

واستطرد شوبير فى حديثه لرمضان صبحى: "وحوارك في إنك رايح علشان تحقق بطولات مش منطقي لأنك كنت في النادي الأهلي، فإنت رايح علشان الفلوس والأمر مادي بحت، وده كلام عادي ما يزعلش فيتقال عادي من غير كسوف ما دام بتتكلم في احتراف يبقى نكمل للآخر احتراف، فالأمر احتراف وانتهى، وسبحان الله في نفس توقيت التقديم طاهر صفقة الأهلي الجديدة سجل هدفًا عالميًا، دي خطوة إنت شايفها صح، خلاص اتصرف على هذا الأساس".

واختتم الإعلامى أحمد شوبير كلامه: "مطلوب منك إنك تكون إضافة لفريقك وللمنتخب، ومطلوب منك جهد كبير الفترة الجاية في مشوارك بكرة القدم".