محاضرة "نقطة تحول" بـ ملتقى الساقية للكتاب 2020
تنظم دار تويا للنشر والتوزيع، محاضرة بعنوان "نقطة تحول"، وتقام في السابعة من مساء الأحد 23 أغسطس الجاري، بقاعة النهر على هامش فعاليات ملتقى الساقية للكتاب 2020، و توفر الدار فرصة للحضور المحاضرة مجاناً.
وتعلن دار تويا عن المحاضرة وتقدمها بـ:
"كل واحد فينا محتاج حاجة يكسر بيها روتين يومه، ويُخرج بيها عن المألوف المسموح, كل واحد محتاج يعرف آليات نفسه والدوافع اللي بتمكنه من الاستمرار, رغم المحِن اللي بتواجهه يوميًا..
إحنا لازم عقلنا يتعدى الأفكار الاولية من انه يعيش طول الوقت على ماضى او خايف من مجهول,الخلايا اللي بتكون جسم كل واحد فينا اتكونت من مليارات السنين فى قلب النجوم الكبيرة اللى انفجرت و كونت النظام الشمسى من 5 مليار سنة ,كل إنسان حضرتك بتشوفه لاء .. بل كل كائن حى و كل روح نقية هى نتيجة أعمال كونية عظيمة و مسافات فلكية مهولة و سلسلة من الاعجاز و التطور و تلاقى الصدف النهائية المستحيلة,مش سهل ولا صح ييجى واحد يسلب منك المنحة الكونية العظيمة دى,ويسيبك لهلاك ودمار غير محدود."
وتابعت:" انت فى اليوم ده, هتلاقى كُل الاجابات المنطقية اللى بقالك فترة تايه عليها,هنحط خطوط توضح البوصلة اللى الوجع خباها من التجارب,فى اليوم ده هنغتال فكرك وهنحولك لشخص تانى بتاخد قرارت حيه,تعيد بيها ذاتك ونفسك,وتخلى اللىّ سابك,يعرف انه كان أفشل مراحل حياتك".
واختتمت "تويا" بأن محاضرة " نقطة تحول " هي:" نقطة تحول لحياه وتجارب ناس حقيقة هتشوفها بعينك وهتلمس نفسك فيهم".
