محمد رشاد يؤكد مجددا تطليقه لـ"مي حلمي": النصيب والعشرة انتهت لحد هنا
فاجأ الفنان محمد رشاد، جمهوره ومتابعيه، بالإعلان عن طلاقه للفنانة مي حلمي، وذلك من خلال سرده لبعض الأمور التي تدور حول الأزمة، مع زوجته السابقة مذيعة الراديو.
ونشر رشاد، عبر حسابه على موقع الصور الشهير "انستجرام" : "قبل أى شىء بسم الله الرحمن الرحيم .. الطلاق مرتان فإمساك بمعروف أو تسريح بإحسان .. صدق الله العظيم".. الآية الكريمة دي بتلخص تفاصيل كتير مش هدخل فيها لأنها تخصنى، وتخص طرف تانى كان فى يوم جزء من حياتى.. وبعد 3 مرات طلاق أكيد ما ينفعش نكمل وكأنه محصلش".
وأضاف رشاد: "أنا بطلب من كل الناس سواء بتحبنى أو لا.. بتابعنى أو متعرفنيش أصلا.. أنهم يعدو الموضوع كأنه مجاش قدامهم.. لإنى مهما شفت من تعليقات سخيفة أو كويسة أو حتى هجوم من حد مش هتكلم عن تفاصيل زواجى بالحلو أو الوحش.. وفالأول والآخر ياريت نراعى أن البنت بتتأثر بالكلمة الوحشة قبل الحلوة ... قضينا أيام منها الحلو.. ومنها اللى مش حلو.. وكل شيء نصيب وقدر من ربنا وبتمنى كل الخير والسعادة للناس ولإنسانة طيبة وليها مكانة فى قلبى والنصيب والعشرة انتهت لحد هنا.. وده هيكون اخر حاجة ممكن أقولها بخصوص الموضوع ده".
واختتم رشاد حديثه قائلا: "أتمنى تقروا وتفهموا الكلام كويس وتنفذوه من فضلكم.. كل شىء نصيب والكلمة الطيبة قدرها كبير عند الله و في قلوب الناس".
وكانت مى حلمى، علقت على القصة قائلة عبر خاصية الاستورى على حسابها الرسمى بـ"انستجرام"، "ردا على كل ما نشر من الأمس عن خبر طلاقي، لم يتم إعلانى رسميا حتى الآن، ولقد علمت عن خبر انفصالى وطلاقى عن طريق السوشيال ميديا زى ما أنتم عرفتم بالظبط.. وآسفة حاولت اتأكد من الخبر من زوجى الحالى أو السابق مش عارفة بصراحة لكن تليفونه مغلق حتى الآن".
