نادية مصطفى تهاجم أحمد فلوكس بسبب هاني شاكر: "إنت أوڤر أوي وعايز تاخد اللقطة"
هاجمت الفنانة نادية مصطفى عضو مجلس نقابة الموسيقيين الفنان أحمد فلوكس بعد الفيديو الذي تحدث فيه عن هاني شاكر وأزمة مصطفى حفناوي، ووجه بعض الإهانات لهاني شاكر بصفته نقيب الموسيقيين.
وكتبت نادية مصطفى تدوينة عبر حسابها الشخصي بموقع التواصل الاجتماعي "فيس بوك" ردت خلالها على اتهامات فلوكس لهاني شاكر حيث قالت: "شفت الفيس بوك بينعى اليوتيوبر مصطفى حفناوي الله يرحمه يارب ويسكنه فسيح جناته .. وبجد معرفوش ومش عيب إني أول مرة أسمع عنه وأكيد أكيد موت الشباب بيوجع قلب أي إنسان حقيقي وأما أقول معرفوش وأترحم عليه وأقول موته وجعنى مش عيب ولا لقطة باخدها".
وأضافت نادية : " العيب عليك أنت يافنان ... لأنك إنت اللى عايز تاخد اللقطة مش هانى شاكر ، والمشهد اللى إنت عملته أوڤر أوى ومنتهى الاستفزاز وملحوظة: مصطفى حفناوى مش عضو فى نقابة المهن الموسيقية فإيه دخل هانى شاكر ؟ولا هو عضو فى نقابة المهن التمثيلية وكان عايز يمثل ماساعدتوش حضرتك ليه".
