خالد سالم يكتب: تورتة الانتخابات

صوَّت وشارك
احشد  وبارك
حسِّن شكلك
صورتك وصوتك
*   *   *
ناخب مرشح
جايز  يارب يفلح
خطَّط وصرَّح
باصواتنا ينجح
*   *   *

صندوق كبير
أبعاد وتنظير
غفير وأمير
ما فيش تقصير
*   *   *

ستات ورجالة
بيقولوا قوالة
ما فيهاش استحالة
الحكم بقرار إحالة
*   *   *

القبة هدفنا
حصانة تشرفنا
برامج تستضيفنا
يا بختك يا ضيفنا
*   *   *

قايمة ولا فردي
لوحدي بحزبي
ناخبين نودي
ووعود كثير ندي
*   *   *

يوم الانتخاب
مفيش انسحاب
يا عيش حاف
يا كفتة وكباب
*   *   *

يا فايز يا خاسر
جابر خواطر
في اللى جاي قادر
لو قلبه جريء وشاطر
*   *   *

بالفوز النتيجة
أصبحت نائب
ظهروا القرايب
زادوا الحبايب
*   *   *

البدلة الشياكة
الكلمة بلباقة
استجواب بجراءة
تصريحات بأناقة
*   *   *

ياناس معاكم
نوصَّل كلامكم
نحقق احلامكم
ياللا شاركوا بأصواتكم