بعد انفصاله عن أوكا.. أورتيجا يتعاون مع عمر كمال في أغنية جديدة

أعلن المطرب عمر كمال عن استعداده لطرح أغنية جديدة تجمعه بمطرب المهرجانات أورتيجا، وذلك بعد انفصاله عن شريكه أوكا الذي كانت بداياته معه.

وروج عمر كمال للأغنية عبر حسابه الرسمي على موقع تبادل الصور والفيديوهات القصيرة انستجرام، إذ نشر البوستر الرسمي للأغنية وعليه كلمة "قريباً".

وعلق كمال كاتباً:"قريب اوي في مفاجأة هتعجبكم اوي مع #اورتيجا على القناة الرسمية لـ ( سلطان الشن - Sultan Elshan ) انتظروا وخليكوا على استعداد".

وكان أورتيجا قد اعلن انفصاله عن أوكا بعد 10 سنوات من التعاون.

ونشر أورتيجا عبر "انستجرام" فيديو ظهر فيه ليوضح بعض الأمور، بعدما تلقى أسئلة كثيرة من جمهورهما عن جود خلافات بينهما هي سبب الانفصال.

وأكد أورتيجا أن هذا الأمر غير صحيح، وقال: نعم انفصلنا لكن لا يوجد أي خلاف، متمنيا له التوفيق.

قال: "بخصوص "أوكا وأورتيجا" علشان كل الناس اللي بتقعد تبعت أنتوا ليه مبقتوش مع بعض أنتوا متخانقين، طبعا مفيش أي حاجة من الكلام ده مش عارف أرد أقولكم إيه كل واحد بيسمع حاجة من برا بيجي يقولها، أنا هوضحلكم الصورة لجمهور أوكا وأورتيجا".

وتابع: "أوكا أخويا وعشرة حياتي وصديق كفاح وشفنا كل حاجة حلوة ووحشه مع بعض فمش هنيجي على آخر الزمن بعد ما نكبر، ونتخانق ونمسك في بعض زي ما الناس بتقول، خالص يا جماعة إحنا كل القصة أن أوكا بقى لوحدة وأورتيجا بقى لوحدة وأنا بتمناله كل التوفيق في حياته وفي شغله ويبقى أحسن حد في الدنيا وبتمنى لنفسي أنا كمان ربنا يرزقنا احنا الاتنين ويوفقنا".

أضاف، "ودايما أوكا وأورتيجا اسمهم مرتبط ببعض مش علشان شغل علشان إحنا من قبل الشغل في حاجات كتير أوي مع بعض، بتمناله وبتمنالي التوفيق ورنا يرزقنا إحنا الاتنين، وياريت يكون الخبر ميزعلش حد، هو الموضوع باين بس أنتوا بتقولوا كلام غلط"