تامر حسني يرد على الرسالة المؤثرة للمخرجة سارة وفيق
رد الفنان تامر حسنى على الرسالة التى وجهتها المخرجة الشابة سارة وفيق عبر صفحتها
الشخصية على موقع التواصل الاجتماعى "فيس بوك"، التى تشكره فيها بعد انتهائهما من تصوير فيلم "مش أنا".
وكتب حسنى عبر خاصية القصص القصيرة على حسابه على إنستجرام: "يا أستاذة سارة أنا اللى بشكرك على شغلك العظيم فى الفيلم وأنا قدمتك بالفيلم دا ووثقت فيكى عشان رؤيتك المختلفة اللى حسيتها وشوفتها فيكى ولما اشتغلنا الفيلم حسيت إنى واقف قصاد مخرجة بتخرج من 30 سنة من جمال وقوة رؤيتك أنا اللى فخور بيكى وبشغلك ربنا يكرمك يا سارة وكرمنا معاكى.. انتظروا بعون الله فيلم مش أنا إخراج الرائعة سارة وفيق".
وكانت المخرجة الشابة سارة وفيق عبر صفحتها الشخصية على موقع التواصل الاجتماعى "فيس بوك"، وجهت رسالة شكر للنجم تامر حسنى، بعد انتهائهما من تصوير فيلم "مش أنا".
وكتبت سارة وفيق قائلة: "من ساعة ما خلصت تصوير الفيلم وأنا عاوزه أكتب حاجة لتامر حسنى.. بس كل ماجى أكتب حاجة أحس أن الكلام مش هيوفيه حقه فى وقوفه جمبى وإيمانه بيا من أول الفرصة العظيمة اللى أدهالى مرورا بوقوفه فى ضهرى أثناء تصوير الفيلم ودعمه الدائم ليا ومساندته فى كل تفصيلة فى الشغل وخوفه عليا.. شكرًا أخويا تامر حسنى إنك ادتنى فرصه العمر وربنا يكتبلنا النجاح زى ما حلمنا تامر حسنى مصنع الطاقة الإيجابية ".
فيلم "مش أنا" بطولة تامر حسنى، ماجد الكدوانى، سوسن بدر، حلا شيحة، بالإضافة لعدد كبير من الفنانين.. الفيلم قصة وسيناريو وحوار تامر حسنى، وإخراج سارة وفيق.
