عضو فريق MTM يكشف موقفا لأحمد مكى: "استهونت بقدراته"
![تاكى](images/no.jpg)
كشف تاكى عسكر عضو فرقة الراب الشهيرة MTM عن موقف حدث بين فرقته وبين الفنان أحمد.مكى بعد نجاح أغنيتهما "أمى مسافرة" التى طرحت منذ إكثر من ١٥ عاما.
وقال تاكى "أحمد مكي علمني درسا مهما جداً في الحياة.، درس ماتعلمتوش من أغانيه ولا أفلامه لكن في قصة قصيرة حصلت معايا"
وتابع "في سنة من السنين لما كنا في عز شهرتنا بعد أمي مسافرة كنا سهرانين في مكان في الزمالك و جه واحد صاحبنا قاللي أنا ومحمود إن فيه مخرج عايز يتعرف علينا، و لما قابلناه كان أحمد مكي ، كان ساعتها لسه صغير وكان بيعمل فيلم الحاسة السابعة وقال إنه عايز يخرج أغنيه لإم تي إم و إنه بيحب الراب جداً ونفسه يشتغل معانا".
وأضاف "أخدت رقمه وكنت المفروض أكلمه بعدها بس ماتكلمتش وعدت الأيام و الدنيا تلاهي و الموضوع اتنسى، بعدها مكي عمل إتش دبور و إنطلق للنجوميه وطور كثيرا في الراب المصري و بقى علامه و أيقونه في تاريخ مصر الفني، إيه بقى اللي إتعلمته من القصة؟؟ عمري ما استهون بقدرات حد مهما كنت أنا ناجح".
يذكر أن النجم أحمد مكى تم ترشيحه للمشاركة فى الجزء الثانى من مسلسل "الاختيار" مع النجم كريم عبد العزيز، لكنه لم يوافق بشكل رسمى على الدور حتى الآن.