والدة شهيد الشهامة بالدقهلية: "ابني مات عطشان.. حرموني من الحيلة" | فيديو
طالبت والدة إسلام شهيد الشهامة في محافظة الدقهلية بالقصاص من الجناة الذين حرموها من نجلها، لافتة إلى أنها صعدت أحد الأسوار العالية عندما علمت أن ابنها مطعون رغم أنها لا تستطيع المشي.
وأضافت خلال حديثها ببرنامج "الجمعة في مصر" المذاع على قناة "إم بي سي مصر" "الشاب اللي زي الورد عملهم إيه علشان يطعنوه ويحرموني منه؟ ما عملش فيهم حاجة.. علشان بيقول له ما تبصش على حرمة بيتي يطعنوه في قلبه؟".
وتابعت: "مات الحيلة اللي ما ليش غيره.. أخدت ابني لما طعنوه أخدته في العربية للمستشفى وكان عايز يشرب ولكن قالوا لي لأ ما يشربش خوفا عليه.. ومات عطشان.. إسلام مات عطشان وجعان ولكن أحتسبه عند الله شهيد.. حلال ولا حرام يموتوه بالشكل ده.. أطلب القصاص".
