عبدالفضيل: الإسماعيلي فلس بسبب عبد ربه ولم يحقق بطولة في عهده
![حسني عبدربه لاعب](images/no.jpg)
فتح شريف عبد الفضيل مدافع الفريق الأول لكرة القدم بناديي الإسماعيلي والأهلي السابق، النار ضد حسنى عبد ربه نجم الدراويش ومنتخب مصر السابق.
وقال عبد الفضيل، في تصريحات عبر إذاعة "أون سبورت إف إم":" الناس بتقول مكنش المفروض نمشى من الاسماعيلى ونكمل مع النادى، مع إن اللى عملناه هو الاحتراف، ومثلا محمد حمص كان بيعشق الإسماعيلى ورفض فلوس كتير وعروض كبيرة ودلوقتى بحب أسألهم فين محمد حمص حد يعرف".
وأضاف: "حسنى عبد ربه كان عايز يمشى من النادى بس كمل عشان خد فلوس محدش خدها فى تاريخ الإسماعيلى كله.
وأشار: الاسماعيلى فلس بسبب عبد ربه، كان بياخد مبالغ خيالية 4 أو 5 ملايين جنيه فى الموسم، والإسماعيلى عمره مامنح الارقام دى لاى لاعب ".
وتابع: "الاسماعيلى محققش بطولات فى عهدى ولا عهد حسنى عبد ربه، بس بسأل عمل ايه عشان ياخد 5 ملايين جنيه فى الموسم، لاعب جامد وشخصية قوية بس برضو ايه النتيجة بعد كل الملايين اللى خدها من النادى مجابش بطولة للدراويش".