رسائل غضب وتهديد من السيسي لمخالفي البناء
أكد الرئيس عبد الفتاح السيسي أن وقف إصدار تراخيص البناء الفترة الحالية أمن قومي ومصلحة وطنية.
وأكد الرئيس السيسى عدم إصدار تراخيص بناء فى بعض المناطق بمحافظة القاهرة.
وقال الرئيس: عملنا إيقاف للبناء هل كرها فى الناس ولا تضييق عليهم ولا علشان مبنحبش مصلحتهم.. إحنا عملنا كده علشان لابد من مراجعة الكثافة الموجودة فيها علشان الناس تقدر تعيش بشكل مناسب كحد أدنى وبالتالى فيه أماكن فى القاهرة لن يصدر لها ترخيص مرة أخرى.. واشتراطات المبانى كانت بتقول 7 أدوار هيبقى دورين بس.
وقال الرئيس السيسى، إن الدولة لن تتهاون مرة أخرى مع البناء غير المخطط أو المخالف.
وأضاف الرئيس السيسى: خلونا نتوقف عن البناء غير المخطط ونبدأ ننظم بلدنا.. وكل اللى عاوز شقق ياخد شقق.. والناس اللى عاوزه تأخد وتبيع للناس.. بصراحة هنكون حازمين.. واشتراطات البناء ستكون فى منتهى الحزم والقسوة.. ومش هنقدر نستحمل كده.. واستحملنا العشر السنوات.
وتابع الرئيس حديثه: "عايز أقولكم على حاجة.. عاوزين نوصل الطريق بتاع الوفاء والأمل حتى طريق السويس.. وكل الطرق اللى بنتكلم عليها طبقا لخطة الدولة القومية.. ودى حاجة معمولة فى مصر من 20 و30 سنة فاتوا.. عايزين ألفين وحدة لتنفيذ طريق مساحته 2 كيلو.. وهيبقى صلابة وشدة من الأجهزة من التنمية المحلية.. هدفنا حماية وطن من أننا نعيش كده.. ونسينا الصح والحياة الحقيقة للبشر".
وأضاف الرئيس: هيبقى عافية وجبر، لا الموضوع مش كده، ولكن لازم نحل المسألة عن طريق اللى احنا وصلناله كفاية عليه، والقرار ده اتأخر 20 سنة.
ووجه الرئيس السيسى، الشكر للبنوك وصندوق تحيا مصر لمساهماتهم فى مشروعات الإسكان، وكذلك وزارة الإسكان وهيئة المجتمعات العمرانية، وتحملها العبء الأكبر للخروج بالمشهد المشرف.
وقال الرئيس: فيه مناطق إسكان اسمها زلزال واحد، وزلزال 2 وزلزال 3 .. أوضتين و أوضة وصالة.. ونريد فتح الباب لهم للتقدم على شقق بمبالغ معقولة، بحيث أعرف أقول لوزير الدفاع زى ما اعطيتنا الأرض دى، عاوزين حتة أرض تانى من معسكرات الجيش لأجل الـ 22 ألف وحدة.. لو عاوزين يغيروا لسكن أفضل ممكن نعملهم نظم تمويل، ولو قدرنا نعمل إحلال لمنشآتهم هيكون أفضل.
وتابع: "أى إنسان يحتاج شقة إحنا نوعده بفضل الله سبحانه وتعالى بتوفيرها، ومش بنخلف وعودنا وهنوفر له الشقة".
جاء ذلك خلال افتتاح الرئيس السيسي اليوم عدد من المشروعات القومية من بينها المرحلة الثالثة من سلسلة اسكان الاسمرات وهي "الاسمرات ٣" والتي تضم الاف الوحدات السكنية الكاملة الخدمات والمرافق، بالإضافة إلى افتتاح أكبر مجمع للخدمات يستطيع أن يلبي مطالب نحو 100 ألف نسمة يقطنون مشروع الأسمرات بمراحله الثلاث.
ويهدف المشروع إلى نقل وتسكين الأسر والأهالى من قاطنى العشوائيات والمناطق الخطرة داخل مجمع سكنى حديث يوفر لهم واقع مجتمعى جديد به جميع الخدمات السكنية والمجتمعية على نحو متكامل.
