عمرو السولية يسلك طريق رانيا يوسف لفضح المتحرشين بابنته
![عمرو السولية وأبنته](images/no.jpg)
خرج عمرو السولية، لاعب النادي الأهلي عن صمته، بعد تعرض ابنته للتحرش اللفظي من جانب عدد من المتابعين، بعدما نشر صورتها برفقته، عبر حسابه الرسمي على موقع الصور الشهير "انستجرام".
واتخذ "السولية" نفس طريقة، الفنانة رانيا يوسف، والتى قررت عرض رسائل المتحرشين بها على موقع التواصل الاجتماعي، من أجل الكشف عنهم للجمهور وتقديم بلاغات ضدهم وهو ما قام به أيضاً لاعب النادي الأهلي
وعبر عمرو عن غضبه حيث قال عبر حسابه الرسمي على موقع الصور الشهير "انستغرام" :"ليلى بنتي عندها ٣ سنين و نص ( لسة قالعة البامبرز من كام شهر) الكلام ده بيتقال على طفلة !! ايه اللي يخلي ( بني آدم ) خنزير ممكن يبص على لبس طفلة و يركز غير انه فعلاً خنزير ؟! ايه المرض ده ! دول اللي لما بيكبروا بيكونوا مغتصبين و متحرشين و اللي بنخاف على بناتنا و اهلنا ينزلوا الشارع عشان ميتعرضوش لأذاهم . اتمنى الشيوخ اللي بيبرروا للتحرش و لبس البنت يكونوا مبسوطين دلوقتى و هما شايفين اللي بيحصل".
وتابع "عمرو" قائلاً :"قررت أتقدم ببلاغات لأصحاب الكومنتات دي عشان اللي زي دول مينفعش يكبروا وسطنا قررت احمي بناتي اللي لسه مشافوش الدنيا و للاسف خايف عليهم يشوفوا كمية القرف و الاشمئزاز ده".
وواصل "السولية" الرد على المتابعين قائلاً فى تعليق جديد له :"الناس اللي زعلت من كلمة (شيوخ) مش مقصود بيها الشيوخ المحترمين و الشيوخ السوية .. الكلام عن الناس اللي بررت التحرش بأنه بسبب لبس البنت و مفاتنها ، ممكن اعرف إيه المفاتن في طفلة مكملتش ٤ سنين و لبسها ممكن يكون سبب في اللي انتوا شايفينه ده".