رنا سماحة: "لو خايفين من التحرش ربوا ولادكم كويس"

حرصت الفنانة رنا سماحة في إبداء رأيها بعد كثرة ظهور حالات التحرش سواء على مواقع التواصل الاجتماعي أو في الشوارع، وأكدت ضرورة التربية الصحيحة منذ الصغر لتجنب كل ما يحدث من صراعات .

وقالت رنا عبر حسابها الرسمي بموقع التغريدات تويتر : "‏لو خايفين من التحرش ربوا ولادكم كويس، لو قلقانين من المثلية ربوهم برضو كويس، لو متضايقين من الي بتشوفوه في مختلف الـ applications ربوا بناتكم كويس، لو متضايقين من العنف ربوا ولادكم كويس، لو مش عاجبكم التنمر ارجوكم ربوا ولادكوا كويس، إرجعوا لتربية زمان وعلموهم يشوفوا إيه ويتابعوا إيه ".

وتابعت سماحة : "‏عرفوهم العيب والحرام ...إتقوا ربنا فيهم ...صاحبوهم خافوا عليهم بأفعالكم مش بالكلام...ولادنا بتقلدنا في كل حاجة ..بيتعلموا مننا إحنا المصدر الاول لكل سلوكياتهم وثقافاتهم ومعلوماتهم، ف إستقيموا أنتوا الاول ...أرجعوا لتربيتكم وأصولكم أنتوا الاول...حبوا بعض أنتوا الأول".

وأكلمت سماحة : "‏بطلوا حقد وكره ... أرضوا ياجماعه ...أحمدوا ربنا وبطلوا تبصوا للناس في حياتها ورزقها... كفاية سف وهبد وترندات سخيفة ومساعدة في إنتشار العك أرجوكم.