بأكثر من نصف مليون تغريدة.. النشطاء يتفاعلون مع هاشتاج #اول_محاوله_تحرش_كان_عمري

احتل هاشتاج "#اول_محاوله_تحرش_كان_عمري" مركزاً متقدمًا في تريند مصر على تويتر، حيث دشنه  نشطاء مواقع التواصل الاجتماعي لسرد المحاولات الأولي للتحرش بهم.

تفاعل نشطاء مواقع التواصل الاجتماعي مع هاشتاج "#اول_محاوله_تحرش_كان_عمري"، حيث بلغ عدد المغردين في الهاشتاج 210 ألف و275 مغرد، وبلغ عدد التغريدات 508 ألف و900 تغريدة، وبلغ عدد المغردين المميزين 77 مغرد، بحسب موقع تحليل الهاشتاجات " unionmetrics" 

عدد كبير من المغردين أخذوا يسردون حكاياتهم مع أول محاولة تحرش، في محاولة للقضاء على هذه الآفة التي باتت تؤرق المجتمعات، البعض أخذ يحكي عن أول محاولة تحرش تعرض لها، في حين رفض البعض الظاهرة اللأخلاقية رافضين إرجاع السبب فيها لملابس الفتيات. 

فقالت بودي " #اول_محاوله_تحرش_كان_عمري ٥ سنين"

وعلقت زهراء سولي " #اول_محاولة_تحرش_كان_عمري ٢٢. ما بعرف كيف وقتا الله من عنده اعطاني القوة،اني دافع عن نفسي واصدمو صدمة عمره،انشاء الله يكون تاب. مش كل بنت مزحت وضحكت وراحت واجت وكان عندا حرية، بيعني ان هي بنت فلتانة او بنت في الواحد يتحرش فيها ويفكروها انا مش محافظة ومش متديّنة".

وأضاف فهد " انا فرحان بالترند ده ،عشان هيشجع أي بنت انها تاخد حقها في وقتها بدل ما تكتم في نفسها وتتعب،ياريت أي بنت تتعرض للموقف ده تاخد موقف جامد في وقتها وتقول لأهلها ومتسكتش. #اول_محاوله_تحرش_كان_عمري"

منار بهنسي قالت: " #اول_محاوله_تحرش_كان_عمري" التحرش مفيش اي سبب فالعالم يبيح الفعل دا ولا انه يكون مبرر ليه، زي كلام بعض الناس (اصل لبسهم مُلفت) الموضوع ملهوش اي علاقة باللبس والله المحترم محترم ولو شاف واحدة لابسة مش كويس بطبعُه بيتقذذ من المنظر ف بيدور وشه "الباقي فالريبلايز".

وحكت أمونة المزيونة: " #أول_محاولة_تحرش_كان_عمري ٨ سنين علي ما اتذكر وممكن احكيلكوا التفاصيل بلبسه بشكله بالموقف كأنها بتحصل دلوقتي".

وعن حكايته مع التحرش قال عمر محمد: " مبدأياً انا ولد مش بنت ولسه عامل الاكونت ده عشان لازم اتكلم واحكي ومش هعرف اتكلم عالاكونت الحقيقي بتاعي انا كان عمري ٦ سنين  او اقل شويه طفل زي اي طفل خلقه ربنا الموضىع بدأ ان في اتنين قرايبي كانوا صحاب واحد منهم اتحرش بيه ومقدرتش ادافع عن نفسي... تمام انا ولد واتعرضت للتحرش والاعتداء لمجرد اني وسيم او أمور شويه وانا عمري ٦ سنين ولازم اوعي الناس ان ده بيحصل واقولهم يخلوا بالهم من اطفالهم حتي لو ولاد عشان حياتنا بتتدمر ...التستر جريمه .. مسمهوش اذا بليتم فاستتروا اسمه الساكت عن الحق شيطان اخرس #اول_محاوله_تحرش_كان_عمري"

/Section_37/_4117716

وعلق محمد سلامة: "ده أنا على كده ملاك! لما أكون ٣٦ سنه وأحوالي لا تسمح بالزواج ومكبوت كبت عاطفي... أصعب مما يحتمل أي شاب ثلاثيني، وعمري في حياتي ما تصورت أأذي بنت في الشارع أو المواصلات بكلمه... معلش يعني انت مهما البنت عملت فين من احترامك لنفسك! #أول_محاولة_تحرش_كان_عمري".