عضو مجلس الأهلي يكشف الخسائر المالية حال إلغاء المسابق
تحدث رجل الأعمال محمد الدماطي عضو مجلس إدارة النادي الأهلي بصفته مالكاً لأحد الشركات الراعية للدوري الممتاز عن الخسائر المالية حال إلغاء المسابقة.
وقال الدماطي في تصريحات عبر حسابه الشخصي على موقع التواصل الاجتماعي "فيسبوك" إلغاء الدوري وارد ومنطقي وممكن يعدي تسويقيا بضرر قليل لو هناك ضمان ١٠٠٪ أن أي دوري جديد حيكمل ولكن في ظل التاكد من وجود موجة تانية من الكورونا في الشتاء والله أعلم ممكن تبقى أقوى من الحالية ويكون هناك اضطرار لإلغاء الدوري الجديد".
اللجنة الخماسية تُحدد مواعيد اجتماعاتها مع الأندية لحسم مصيرعودة النشاط واللائحة الجديدة
وتابع "هنا حيحصل انهيار لكل القيمة التسويقية للدوري اللي اتبنت بصعوبة على مدار السنين اللي فاتت، والشركات المُعلنة اللي من ضمنهم شركتي مش حتقدر تعتمد علي الكورة زي الأول لعدم الاستقرار، بعد ما كانت وسيلة مريحة لينا للوصول للمستهلك، ده غير تأثير الكورونا على ميزانيات الدعاية للشركات اللي لوحده متوقع يعمل تأثير".
وأكمل "الوضع حاليا صعب والأندية جايز عندها حق أنها عايزة توفر بقية عقود لاعبين والمشكلة مع الشركة الراعية مخلياها برة المعادلة شوية غير اللي حصل في ٢٠١٥، لكن الواحد من الأمانة لازم يتكلم أن الكل لازم يبص لما هو أبعد".
واختتم "أي إلغاء آخر سيعني خسائر وانهيار في حقوق البث والرعاية بأضعاف ما سيتم توفيره بعدم لعب المتبقي من هذا الدوري كل الدوريات التي تم استكمالها فكرت بنفس المبدأ بعيدا عن الانتماءات أو مين حيكسب او يهبط، احنا وصلنا كلنا كمعلنين واندية واتحاد لمعادلة مربحة اتمنى الحفاظ عليها".
