بسنت شوقي تدافع عن "دينا مراجيح" بعد ظهورها في مسلسل "لية لأ"

علقت الممثلة بسنت شوقي والمشاركة في مسلسل "ليه لأ" الذي يعرض على منصة "شاهد" ومن بطولة أمينة خليل على ظهور دينا مراجيح وجو إحدى مشاهير الـ TikTok في الحلقة الرابعة من العمل.

وكتبت بسنت شوقي عبر حسابها الرسمي على موقع التواصل الاجتماعي “فيس بوك”: "هو إيه الريأكشن الأوڤر ده في موضوع دينا مراجيح؟! للعلم أنا أصلا ما اعرفش مين هيا بس من الواضح انها بتعمل فيديوهات على تيك توك.. السؤال المهم اللي لازم يتطرح، هل عملت المشهد وحش؟! بالعكس!! كانت إن كاست جدا !!! ليه الناس عماله تعنصر على البنت عشان هى من تيك توك ومغنية مهرجانات؟! تحبوا اقولكم كام ممثل شغال دلوقت ابتدا موديل؟ انفلونسر وبيتصور على انستجرام؟ ابتدا في اعلانات؟ اتشهر عشان عمل محتوى على يوتيوب، يعرف المنتج/المخرج/ نجم العمل، ناس عندهها علاقات وبتخلص ورق ومشاكل للمنتجين وشغالين؟ ناس عاملة فورمة الساحل وشغالة بيها بقالها سنين؟ ناس مخرجين و مخرجين مهمين كمان اكتشفوهم وأول مرة يمثلوا ادوهم بطولات!!! اشمعنى يعنى المرة دى خريجى المسرح صعبانين عليكم؟!.

وتابعت: “ده مشهد يا اوڤر منك له!!! يعنى فيه مخرجين ومنتجين بيجيبوا بتوع البوفيه ولا حد من الانتاج / الاخراج/ الاضاءة لو شكلهم او شخصيتهم لايقة يعلموهم عادى for fun و لتوفير الفلوس.. متبقوش ضيقين كدة".

ويشارك في المسلسل عدد كبير من الفنانين بجانب أمينة خليل، منهم هالة صدقي وشيرين رضا ومحمد الشرنوبي ومريم الخشت وهاني عادل وعمر السعيد وناردين فرج. من إخراج مريم أبوعوف.  

يذكر أن مسلسل "ليه لأ" من تأليف ورشة سرد تحت إشراف السيناريست مريم نعوم، سيناريو وحوار دينا نجم ومجدى أمين، وتغنى التتر الفنانة آمال ماهر، بأغنية "اللي قادرة" من كلمات نادر عبدالله وتوزيع خالد عز، وهي الأغنية التى تم طرحها مؤخرا وحققت تفاعلا كبيرا.

ويشارك فى المسلسل عدد كبير من الفنانين بجانب أمينة خليل، منهم هالة صدقي وشيرين رضا ومحمد الشرنوبي ومريم الخشت وهاني عادل وعمر السعيد وناردين فرج. من إخراج مريم أبوعوف.