رامي رضوان: "الواحد مكنش حاسس بقيمة اليوم العادي"
![رامي رضوان](images/no.jpg)
حرص الإعلامي رامي رضوان في مقدمة برنامجه على التعبير عما افتقده الناس بعد جائحة فيروس كورونا وكيف أثرت علهم والنعم التي لم يكن يشعرون بها وذلك عبر برنامجه مساء dmc الذي يذاع الساعة التاسعة مساءً.
وقال رضوان: "في الأيام اللي إحنا فيها وعلى مدار الفترة اللي فاتت بما إنه نمط الحياة اختلف علينا كلنا ، كل واحد فينا بيقعد في لحظات يتأمل ويتفكر ما بينه وما بين نفسه ويبص على حياته دلوقتي ويبص على حياته ما قبل جائحة كورونا والاختلافات الموجود".
وتابع رضوان: "ناس كتير قاعدة في البيت بدأت تتضايق بشكل كبير جدا من نمط الحياة اللي اختلف وأنا واحد من الناس اللي بيفكر بالمنطق ده وبشوف الدنيا قد إيه اختلفت وقد إيه الواحد مكنش فعلا حاسس بقيمة اليوم العادي الروتيني اللي كنت زهقت منه ، واليوم العادي ده الواحد بقى بيقول ياه ده كان جميل أوي بكل الحاجات البسيطة اللي فيه".
وأضاف: "فكرة أنك تنزل وتروح شغلانة أو اتنين والحياة ماشية بشكلها الطبيعي وتقول لأه أنا عايز أكتر واللي كان بيحسد الآخرين عشان كده شيء عظيم أنك تحس بالرضا وأن لازم تقعد كل يوم مع نفسك وتنظر لنعم ربنا التي لا تعدى ولا تحصى لأن دلوقتي بقيت مقيد ويومك الطبيعي مبقاش موجود".
وذكر رضوان أن طلاب المدارس الأطفال الذين كانوا يشعرون بالمعاناة والضيق في الصباح عند الذهاب للمدرسة وكان منهم من يقوم بخداع والدته أنه مريض ولا يريد الذهاب ، اليوم يشتاق للمدرسة ويود عودتها مرة أخرى.