المذيع كريم رمزي يحكي تجربته مع فيروس كورونا

بث الإعلامي الرياضي كريم رمزي رسالة تفاؤل وطمأنينة عن تجربته مع فيروس كورونا وذلك عبر صفحته على موقع التواصل الاجتماعي فيس بوك.

وكتب المذيع بقناة أون تايم سبورت قائلا: “حلاوة التجربة.. كنت مأجل الكلمتين دول لحد ما ربنا يتمم شفائي تماما بس شفت إن في حالة سلبية كدة عند كل الناس تقريبا فقولت أخش أقول كلمتين وأشكركم”.

أضاف “كريم”: “أنا اليومين اللي فاتوا دول في تجربة ربنا ليا بالفيروس شوفت فيها أحلى أيام حياتي أحلى حب من كل الناس أنا شفت اللي عمر ما في خيالي كان ممكن يجيبه والله من حب.. نفسي أشكر كل واحد بالاسم كلكم ناس عظيمة بس للأسف هنسى أكيد”.

تابع: “أنا الحمد لله بقيت زي الفل وكلها يومين تلاتة وأبقى كويس بنسبة كاملة وده بفضل ربنا ودعواتكم، هكلمك لاحقا كتير عن تجربة المرض وسهولتها وإزاي تعدي منها بيسر تام بس الأول هقولكم حاجة مختصرة في التجربة دي: "ما تخافوش من الأخبار السلبية ربنا بس بيجربكم وبيجرب إيمانكم اللي خلق الدكتور والعلاج وخلاك تخف من الأمراض هو الأجدر أنه يخففك مباشرة لو عجز الدكتور أو العلاج".

وكان المذيع الرياضي كريم رمزي أعلن منذ أيام إصابته بفيروس كورونا من خلال منشور عبر صفحته على موقع التواصل الاجتماعي فيس بوك.