بويكا الغلابة ينشر صورته من داخل المستشفى بعد إصابة خطيرة
صرح الفنان رامز أمير عبر صفحته الرسمية على فيسبوك عن إجراء عملية لم تكن الأولى له إثر إصابته أثناء تمرين الباركور.
أعلن رامز عن إجرائه عدة عمليات جراحية بعد إصابته البالغة في تمارين الباركور، وأوضح أنه لم يعلن من قبل حتى لا يحزن جمهوره ولكنه قرر أن يكون نموذج حتى لا يتخلى أحد عن حلمه.
وعلق رامز قائلا : "بويكا الغلابة اتنفخ يا رجالة، هتكلم معاكوا بجد شوية، فكرت كتير قبل مقولكم عشان مكنتش عاوز أزعل اى حد بيحبنى، بس حسيت ان ممكن تجربتى دى تبقى مفيدة، تبقى دافع لشخص محبط انه ميستسلمش لما يقع و الدنيا تكسره " .
وتابع رامز : "دى إصابة خطيرة حبيتين من تمرين الباركور كنت مخبيها عليكم و للأسف دى مش العملية الاولى بس إن شاء الله الأخيرة، بوقفة ربنا جنبى هوريكم أزاى ممكن تقع و تقوم تانى وتبقى اقوى من الاول.
وأكمل : "هكمل الطريق اللى وعدت نفسى بيه و هعملكم أكشن متعملش عندنا فى السينما قبل كده، ربنا يقدرنى بس و أعرف اشرفكم و عشان خاطرى محدش يزعل و يقولى خاف على نفسك، أنا عارف خطورة اللى انا بعمله من اول يوم و راضى الحمد لله عشان انا بعمل الحاجة اللى بحبها، دعواتكم بقى عشان لسة شايلكم اكشن كتير فى الصندوق.
ويذكر أن أخر أعمال رامز تجسيد دور "ملازم أول مقاتل محمد طلعت سباعي" في مسلسل الإختيار وكان أحد الضباط الذين استشهدوا في ملحمة البرث مع الشهيد البطل أحمد المنسي.
