أحمد حلمي ناعياً حسن حسني: "الأستاذ اللي عايز يشوف تلاميذه أفضل منه"
نعى الفنان أحمد حلمي عبر صفحته الرسمية على موقع التواصل الاجتماعي "فيس بوك"، الفنان حسن حسني والذي وافته المنية في الساعات الأولى من صباح اليوم السبت، عن عمر ناهز 89 عاما.
ونشر أحمد حلمي صورة تجمعه بالفنان الراحل، معلقا عليها: "الفنان العظيم حسن حسني كان بمثابة الأخ اللي مابيرفضش لحد طلب والأستاذ اللي بيحب تلاميذه وخايف على مصلحتهم وعايز يشوفهم أفضل منه".
وتابع: " كان الصديق الوفي الجدع والأب اللي بيحب الخير لأولاده وجايز أكتر من نفسه .. الله يرحمه كان بيحترم الصغير قبل الكبير".
وأوضح قائلا: "حقيقي في ناس بتروح للي خالقها وبيفارقونا لكن سيرتهم بتفضل خالده وعايشه معانا ومع أجيال تانية بعدنا .. هتوحشنا يا عم حسن أوي .. في الجنة ونعيمها يارب".
