دينا الشربيني عن عمرو دياب: "ربنا يخليه ويفضل يمتعنا"

عُرض برنامج The Insider بالعربي تسجيلا صوتيا للفنانة دينا الشربيني علقت فيه على الموسيقى التصويرية للمسلسل والتي ألفها الفنان عمرو دياب.

وقالت: "بعيدًا إني بحب كل الموسيقى اللي هو بيعملها، بس حقيقي دي هو شخصيًا بيحبها أوي، يعني عادة فيه حاجات كتيرة أوي ببقى عايزة أعدي التتر، لكن أنا ببقى بتفرح على المسلسل عشان أسمع المزيكا، ده حقيقي وفارق جدا أوي في المشاهد، يعني لما بشوف المشاهد قبل ما يتحطلها مزيكا وبعد بيكون فرق مش طبيعي".

وأضافت: "يعني أنا كمان عشان بس المسلسل مش عارفة أتكلم أوي، أنا لو بسمعها وهي مش محطوطة على مسلسل لعبة النسيان، لا أنا محتاجة أقول فيها شعر لأن بجد هي فظيعة، مؤثرة وفيها كل المعاني اللي في المسلسل، حاجة محصلتش، ربنا يخليه ويقعد يمتعنا بالحاجات اللي بيعملها بجد".

يذكر أن الفنانة دينا الشربيني، شاركت في الموسم الرمضاني الماضي من خلال مسلسل "لعبة النسيان"، الذي قامت ببطولته.