محمد عبد الواحد: "إزاي الدوري هيرجع والكاف هيلغي بطولة أفريقيا؟"
كشف محمد عبد الواحد نجم الزمالك السابق ومدرب وادي دجلة الحالي عن صعوبة عودة الدوري الممتاز.
وقال عبد الواحد علي صفحته الشخصية علي التواصل الاجتماعي فيس بوك "اللجنة الطبية في الاتحاد الأفريقي بتطالب بإلغاء البطولتين الإفريقيتين علشان ٣ مباريات خوفا من كورونا واحنا عندنا يقولك نلعب ولسه متبقي ١٥٠ مباراة!”.
وحذر عبد الواحد من عودة الدوري وقال :” اتحاد الكرة بيقولوا دلوقتي مش هنبدأ غير بعد ما الكل يعمل تحاليل وهنلعب في ملاعب معينة وتطبيق الاشتراطات الاحترازية زي ما وزارة الصحة قالت بس بعد ما شافوا أن الموضوع صعب ومكلف ماديا هيقولك نبدأ وخلاص من غير ما يطبقوا كل اللي قالوا عليه”.
واضاف:”بس بقولهم اصابة اي فرد في المنظومة الرياضية هتبقي مسؤوليتكم اللي المفروض تتحملوها ، اللهم بلغت اللهم فاشهد واتمني السلامة لكل الناس وان ربنا يرفع الوباء ده عنا وانا دلوقتي بتكلم لا على مصلحه الزمالك ولا الاهلي ولا دجلة انا بتكلم عن ارواح الناس وانا واحد منهم وانا بقول لكل رؤساء الاندية انتم مسؤولون عن حياه بشر وانا اقسم بالله لو رئيس نادي ما هلعب الا اذا كان فيه سلامة لكل اللاعبين عندي”.
