تامر حسني يوضح كيف أقنع Akon بالغناء بالعربية | فيديو
كشف النجم تامر حسني عن كواليس أغنياته مع المطربين العالميين "snoop dogg " و"Akon" وذلك خلال حفل عيد الفطر المبارك مع الإعلامية شيرين حمدي حيث يعرض الحفل على قناة "on".
وقال تامر حسني: "المبدأ عندي مش أني أغني مع أجانب.. أو فكرة أني عايز أبقى عالمي.. أنا عمري ما قلت على نفسي المصطلح دا.. بس الهدف اللي كان جوايا أن المطربين العالميين دول يغنوا عربي".
وأضاف: "في ناس فاهمة الموضوع دا غلط.. أنا عايز أنشر لغتي مش هنفضل طول عمرنا إحنا اللي نتأثر بس.. أنا أغني إنجلش وهو كمان يغني عربي".
وتابع: "سنوب دوج لبس جلابية وقال سلام عليكم.. لو مفيش تبادل ثقافي بيني وبينك يبقى مش عايز أغني.. عشان كدا كنت عايزهم ينطقوا عربي".
