رسالة من فريدة سيف نصر لجمهورها بعد انتهاء "الفتوة"
وجهت الفنانة فريدة سيف النصر رسالة لجمهورها بعد ردود الفعل الغاضبة عقب عرض آخر حلقات مسلسل "الفتوة" بسبب خيانة معاونيها لحسن الجبالي (ياسر جلال).
أوضحت الفنانة عبر حسابها على موقع التواصل الاجتماعي “فيس بوك” أنها لم تكن على دراية بهذه النهاية وأنها قدمت دورها كشخصية مخلصة وأمينة طيلة الحلقات السابقة قبل أن يقرر المؤلف تغيير النهاية.
وكتبت فريدة سيف النصر قائلة: "مقدرش على زعل جمهوري ، يا جماعة يا اللي حبيتم الفتوة العمل العظيم وحبيتم شخصياته وحسن الجبالي حبيبي.. وحبيتم حاج أحمد رغم إنه ضيف.. وبتلوموني ما تزعلوش وتقلبوا أنا والله ما أعرف إزاي طلعت خاينة أنا المفروض جدعة معاه ومش عايزة أتكلم هو أنتم شفتوني ولا كلام".
أضافت: "ما أنا مش موجودة بقى طيب واجهوني بيهم وبالرجالة وعزمي ، ليه كده يا هاني سرحان ، أنا حبيبتك من أول عمل لك الأب الروحي ده أنا والمنباوي كنا بنكلم نفسنا من اللي عملته في الحاج أحمد كمان بتقلب الناس عليا من حبهم لحسن ما أنت دراكولا الدراما مش أنا اللي سميتك كده".
تابعت: "يا جماعة هو هاني كده يصعب عليه حد يفضل محبوب في شخصياته أو عايش ده أسلوب حياة ، يعني تكلمني تصالحني وبعدها تروح تطلعها ندلة هاه هتدافع عني بعمايلك دي ولا أتكلم أنا.. هو كل حاجة من ورايا كده قفايا ورم يا ابني".
