أحمد عيد: أتمنى عودة النشاط الرياضي.. الناس مش لاقيه تاكل
كشف أحمد عيد عبدالملك نجم الزمالك الأسبق عن موقفه من عودة بطولة الدوري المصري العام وذلك في ظل استمرار انتشار فيروس كورونا المستجد.
ونشر "عيد" عبر صفحته الشخصية بموقع التواصل الاجتماعي "فيسبوك" : أتمني عودة النشاط الرياضي طبعاً مش من أجل عيون اللاعيبة والأجهزة الفنية وخلافه لا لعودة الحياة للناس اللي شغالة في المجال وحالياً مش لاقين ياكلو بجد.
وأضاف: “والله حالتهم تصعب على أي حد ولاعيبة الدرجة التانية والتالتة والاندية بتديهم الجنيه بطلوع الروح ليهم بيوت فاتحينها بجد ربنا يصبرهم وموضوع عودة الدوري والخناقة اللي شغالة من إلغاء أو استمرار ده هيرجع لموقف الأندية وعودة محترفينهم”.
لاعب الزمالك يقترب من إنهاء المرحلة الأخيرة من برنامجه التأهيلي
وواصل: “ولو رجع مش قبل شهر ٨ والموسم الجديد هيتأخر كتير باتمنى رجوع الدوري مع وجود كل وسائل الحماية للناس كلها ومحدش يخلي مسئوليته ومتوقع رفض معظم الأندية لعودة الدوري وهنشوف خناقات تاني”.
