مدرب منتخب مصر عن أزمة كورونا: محدش فاهم حاجة
أكد وائل رياض المدرب المساعد بالجهاز الفني لمنتخب مصر الأولمبي اندهاشه الشديد من استمرار تصاعد وباء كورونا.
وقال شيتوس عبر صفحته على فيس بوك: اللي يقول إنه فاهم حاجة في موضوع الكورونا يبقي بيفتي، بصراحة محدش فاهم حاجة، هو الڤيروس بيتنقل باللمس ولا برذاذ الفم ولا بالسلامات ولا بالأحضان ولا بإيه بظبط، مفهوم الاختلاط اللي بينقل العدوي شكلها إيه، كلام كتير طلع وإتقال ومحدش فاهم أي حاجة ولا عارف أي حاجة.
الأهلي يرفض احتراف محمد شريف في الصيف
وأضاف: قالوا بيموت من حرارة الجو العالية وطلع أي كلام لأن الحالات زايدة أوي بالرغم من الحرارة عليت اوي، قالوا مش بيجي للشباب وطلع أي كلام وحالات كتير جداً من الشباب إتصابت، قالوا مش بيجي للأطفال وطلع أي كلام علشان حالات كتير سجلت إصابات أطفال بل إن في طفل مات متأثراً بالإصابة.
وأوضح: الدول اللي كان فيها بأرقام كبيرة وكان في هلع رهيب بدأت تشتغل تاني بل إن مثلاً في مجالي (كرة القدم ) الدوري هيشتغل (الألماني) ، والحالات لسه مخلصتش ، بصراحة أنا مبقتش فاهم حاجة ، ومش عارف هي الكورونا دي وباء بجد ولا ايه مش عارف ، ربنا يحمي الجميع ويحرسهم ويبارك فيهم ، بس بجد انا مش فاهم حاجة ولو فيكوا حد فاهم يا ريت يفهمنا .
