"ما أخدناش عزاه".. ابنة متوفى بكورونا في المنيا تروي تفاصيل الإصابة
توفي "محمد عبد الله" الشهير بالسني، من أبناء الحي الذي يخضع لحجر 35 منزلا، بشارع سيدي حبيب جنوب مدينة المنيا.
وكتب أهالي الحي على صفحة أدوة باشا بالفيس بوك "يأتي فيروس بحجم كورونا ويغير كل حياتنا، فها نحن في الحجر الصحي، وأسرة المتوفى أغلبهم في العزل بالمستشفى، ونترحم ونحن في أماكننا.. سبحان الله، فلأول مرة منذ عقود يتوفى أحد من الشارع، ولا نقف مع أهله، ونأخذ عزاه، ونعمل الواجب، فكيف ونحن أهل وعزوة طيلة كل هذه السنوات".
وكتبت ابنة المتوفى وتدعي "رباب": أحنا الأسرة المصابة في شارع سيدى حبيب 5 أفراد كلنا إيجابي، وأخويا طلع سلبي يعنى مش هو اللى جابلنا كورونا من بره، ووالدي مكنش مسافر أسوان ورجع، ومكنش بيطلع من البيت أصلًا، لأنه مريض، أنا اللى كنت بطلع وأروح شغلي وأجيب طلبات البيت وكنا واخدين احتياطاتنا زي أي حد، بس ده قضاء واحنا راضيين الحمد لله.
أضافت: كل اللى هنا في المستشفى ما حدش عارف جاله منين وإزاى بعد اللى أنا شيفاه هنا بقيت متأكدة إن كل واحد ماشى في الشارع هو حامل للفيروس، وما يعرفش اللى مناعته كويسة، الموضوع بيعدى ومن غير ما يحس أصلًا واللى مناعته ضعيفه بيموت، ولما تعبنا روحنا إلى 3 دكاترة ومستشفى الحميات روحونا وقالوا دور برد عادى، يعنى مش ذنبنا.
إبنة متوفي بالكورونا توضع تفاصيل إصابته داخل حي سيدي حبيب بالمنيا
وقالت أيضا: دلوقتي أنا وأخويا في العزل، وأخويا التاني في أسيوط، وأمي وأخويا في بنى سويف، والدكاترة هنا في العزل الله يقويهم مهتمين جدًا، ومش مقصرين بالعكس عاملين اللى عليهم وزيادة ربنا يقويهم ويعينهم بجد.
