شكوكو وعبد المطلب مسحراتية بداية التليفزيون

من أوائل اغانى المسحراتى التى عرضت بالتليفزيون اغنية “يامؤمنين بالله “ التى قدمها الفنان الشعبى محمد عبد المطلب عام 1957 واغنية المسحراتى ايضا التى قدمها محمود شكوكو عام 1961 ( ولد شكوكو فى مثل هذا اليوم عام 1912 ورحل 1985 ) .

والاغنيتين كما نشرت مجلة الاذاعة عام 1964 فى موضوع مطول حول مهنة التسحير فى بدايات الارسال التليفزيونى قالت فيه :

أنتجت الاذاعة المصرية الرسمية عام 1957 اغنية ومدتها عشر دقائق يغنى فيها محمد عبد المطلب ـــ رحل عام1980 ــــ الذى يقوم بدور المسحراتى بالدق على طبلة المسحراتى مصاحبة بالة القانون .

واستمر نجاح الاغنية الكبير فى الاذاعة ومع بداية التليفزيون عام 1960 واستعان بأغنية المسحراتى التى غناها عبد المطلب بعنوان (يامؤمنين بالله ) والتي تقول كلماتها :

 

يامؤمنين بالله ..ياموحدين بالله ..قوموا كفاية نوم ... هى الحياة كام يوم ..وبالصلاة والصوم ...يرضى علينا الله ..يامؤمنين بالله ...ياصايمين رمضان  باب السما مفتوح ...لطالب الغفران ..وربنا فى  علاه ...يامؤمنين بالله  قريب من اللى دعاه ...ياموحدين بالله ..يابو السعود ،يارشاد ، ياحاج عز الدين  يا امام ، ياعم فؤاد ، يامرتضى ،يا أمين ..قوموا اسجدوا لله ...ووحدوا لله  يامؤمنين بالله .

نادوا على التائبين ..باب الرضا مفتوح ..ينده على الصايمين  واللى يعود لله ...يبقى الاله فى حماه ..ياعم عبد العال ، ياخليل ،يا ابو منصور  يابو العينين ، ياجلال ، ياغريب ياحاج سرور  قوموا اسجدوا لله ...وسبحوا لله ..يامؤمنين بالله..يامؤمنين بالله ..الرب رب قلوب باب الهدى مفتوح ...للصايم اللى يتوب ..يافرحته ياهناه ...حاينول رضا مولاه  ياحاج مرسى ،ياعيد ، يا احمد ،ياعم حجاب يابو اسماعيل ، ..ياسعيد ،ياسيف يابو غلاب ..قوموا واسجدوا لله وسبحوا لله ياموحدين بالله.

 واغنية المسحراتى الثانية قدمها المونولوجست محمود شكوكو فى اول ارسال بالتليفزيون عام 1960 قال فيها :

اصحى يانايم .. وقول يادايم  اصحى دا قومك من عز نومك ..ينفع ليومك اصحى يانايم  الخير كثير ..إدى الفقير ..علشان يبارك فيك ربنا  حرام كمان يبات جعان ..وهو من بدرى صايم زينا  آدى الفراخ متكتفة ..مش لاقية حتى فى معدتك  والبطن آدى متستفة .

من كل صنف فى دنيتك  والخير مادام عندك كتير .. اشكر الهك واحمد  ياسى حمادة وحد الله ..ياسى سلطان وحد الله  حقه حاياخده ولا يضيعش مادام متشال  حقه حاياخده تمام ..والحسنة بعشر امثال  اوعى يغرك ابدا بريق المال ..سبحانك فى لحظة يغير الاحوال ياعباد الله قوموا وحدو الله ..آدى وقت الاستغفار والطلب من الله.

اقرا ايضا: 

مشوار التسحير فى مصر منذ دخول الإسلام

وهذه الكلمات للشاعران ابراهيم حسنى وسيد احمد قدم المونولوجست محمود شكوكو اول اغانى المسحراتى وعرضت بالتليفزيون عام 1960 من خلال امكانيات بسيطة تجسد حارة مصرية صغيرة يوجد بها مقهى متواضع وبائع فول ، ثم يظهر شكوكو بطرطوره الشهير وجلبابه يحمل طبلة ويسير بجواره طفل صغير يحمل فانوسا مضيئا بالشمعة .

ومنذ قدم شكوكو وعبد المطلب  أولى أغانى للمسحراتى فى التليفزيون اصبح برنامج المسحراتى اهم واشهر البرامج الغنائية فى التليفزيون.