شاكوش: أنا ميت على فلوس "بنت الجيران" وعمر كمال ملهوش فيها | فيديو

أكد مطرب المهرجانات حسن شاكوش عدم أحقية صديقه عمر كمال فى الحصول على إيرادات أغنية "بنت الجيران" لأنها أغنيته من البداية وقام بدعوة عمر كمال للمشاركة فيها. 

وأضاف: "الأغنية مش بتاعة عمر كمال عشان يسأل عن إيراداتها وهى بتاعتى أصلا وكنت مخلصها كلها غنى وجبت عمر يغنى فيها".   

سر رفض هاني شاكر دخول حسن شاكوش نقابة المهن الموسيقية  

وهاجم حسن شاكوش فى لقاء ببرنامج "شيخ الحارة والجريئة " مع المخرجة إيناس الدغيدى على قناة “القاهرة والناس” عمر كمال لادعائه المستمر فى لقاءاته التلفزيونية بعدم الاستفادة من أغنية "بنت الجيران"-حسب قوله موجهًا رسالة له: "عمر كمال يقول إنا مستفدتش من أغنية بنت الجيران وهو كان فين أصلا قبل الأغنية وهو استفاد ولو بياخد جنيه بقى بياخد عشرة جنيه". 

وعن موقفه من إيرادات أغنية بنت الجيران، قال: "الأغنية أصلا فى شركة حاطة إيدها على الأغنية وأنا كمان مخدتش فلوس ولسه فيه خلافات ولكن الإيرادات دلوقتى على قناتى وأنا ميت على الفلوس دى لأن أنا اللى تعبت فيها وهى دلوقتى محققة 350 مليون مشاهدة، ولما آخد الفلوس هديها لأمي".