مربي خرز البقر !!
كافتكاسات فعلية تدور وتخلي دماغنا زي المهلبية طلعت علينا حتة ست لا يجب أن يطلق عليها أبدا - ولية - وقالت: إن سبب انتشار أعوذ بالله الإلحاد في مصر بمخها الفكيك وعقلها الذري هو أن المصريين بياكلوا زيت كافر بطبيعته لأن كل النباتات بتعبد ربنا لكن النبات ده كافر حتى من اسمه وقال إيه اتكسفت تقول اسمه وفي الآخر يطلع - عباد الشمس - طب على فكرة بقى فيه ناس مسيحيين بياكلوا بزيت ذرة أيام الصيام تفتكري يا حاجة ده سبب إيه عندهم؟!
زي ما بالظبط واحد يجي يقولك إنك عندك فسافيس في قفاك عشان استحميت في مية البحر الميت و"الميتة" حرام.
أو مثلا زمان كده يعني سمعت أنهم كانوا هيحرموا الخيار عشان اكتشفوا أنه خضار من الشيطان أو أنهم مثلا يقولوا أن الباذنجان لونه أسود فأكيد لأن قلبه مش نضيف.
طب أحب أقولها بقى كل الستات المصريات اللي عاشوا يضربوا على مدى قرن وشوية مربي خرز البقر.. موقفهم إيه؟؟ ويا تري خرز البقر ( لو كان للبقر خرز) حلال ولا حرام؟
وإذا كان الخرز أزرق عادي عشان العين؟ ولا بدعة؟؟
