حنين حسام: "فيه عليا حملة.. وأنا مقولتش كلمة خارجة" | فيديو
قالت حنين حسام، طالبة كلية أثار بجامعة القاهرة، التى أحيلت اليوم إلى التحقيق لقيامها بسلوكيات تتنافى مع الآداب العامة والقيم والتقاليد الجامعية، أن هناك حملة عليها من بعض الأشخاص عن طريق فيديو انتشر بشكل كبير على مواقع التواصل الاجتماعى، وده كان فيديو على استورى إنستجرام الخاص بى.
وأضافت فى فيديو لها على موقع الصور والفيديوهات الشهير "إنستجرام": "لقيت ناس بعتتلى فيديو انتشر على فيس بوك لمذيع يتحدث عنى، وبصراحة المذيع لعبها صح لأنه قص الفيديو بتاعى من استورى إنستجرام، وحللها على مزاجه، والـ "لايفات" شغل زيها زى أي شغل ".
الخشت: تلقينا رسائل ضد حنين حسام.. والتحقيقات ستقرر مصيرها بجامعة القاهرة
وأضافت: "الممثلين دلوقتى بقوا يطلعوا يعملوا لايف، هل ده معناه أن الفنانين بيشتغلوا فى الدعارة؟ وفيه برنامج اسمه "لايكي" زى تيك توك، وفيه جزء خاص باللايفات فى كل دولة فى العالم، زى ما فى مشاهير عندنا فى مشاهير فى كل دول العالم بيعملوا لايفات. وناشدت باكية " قبل ما تعملوا حاجة أو تشيروها لأى شخص تحروا الدقة، فيه شائعات بتطلع بتدمر سمعة الشخص من ورا اللى بتعملوه.. أنا ماطلعتش قولت كلمة خارجة فى الفيديو علشان أتمسك أنا أول مرة أعيط فى فيديو ده أنا حتى قولت أنا عاوز أدب وأخلاق وما بحبش الحال المايل، وطلبت بنات محجبة مش بنات عاديين".
وتابعت حنين، "عمرى فى حياتى ما روجت لأى تطبيق سيئ السمعة، وكان ليا معارك كتير مع تطبيقات سمعتها وحشة وأى حد بيشتغل فى التيك توك لازم يكون عارف أن فى لايفات والحاجات الوحشة بتتعمل فى السر مش فى العلن فى أسر كتير مش لاقية تاكل واللايفات ديه بتصرف عليهم ومش بيعملوا حاجة وحشة فى ناس بتعمل أقذر حاجة ماسك فيا أنا ليه".
وأضافت "ليه كل الناس بتشير الحاجات الوحشة ومفيش حد بيشير حاجة خير، هتستفادوا إيه لما تدمروا حياة البنى آدم، لو أنت مش عاجبك المحتوى ما تتفرج بس احنا كمان لينا أهل".
