أسرة أسامة أنور عكاشة ترفض عمل جزء جديد من "الشهد والدموع" رغم تأكيدات عفاف شعيب
أعلنت الإذاعية نسرين عكاشة ابنة الكاتب الراحل أسامة أنور عكاشة عن رفضها هي، وباقي أفراد أسرتها، عمل جزء ثالث من مسلسل "الشهد والدموع”، والذي أعلنت عنه الفنانة عفاف شعيب منذ أيام.
وكتبت نسرين عبر حسابها الشخصي بموقع التواصل الاجتماعي “فيس بوك” تدوينة طويلة قالت فيها: “يافتاح ياعليم !!… صحيت من النوم على خبر غريب جدا عن تصريح الفنانة عفاف شعيب في أحد البرامج عن التجهيز للجزء الثالث للشهد والدموع اللي هيعجب الجمهور أوي.. والحقيقة كتَّر ألف خيرهم ذاكرين في متن الخبر أن الشهد والدموع كتبها أسامة أنور عكاشة !!!!.. طب بالنسبة لولاده اللي لسة عايشين وكلمتهم الفنانة عفاف شعيب عشان تستأذن في عمل جزء تالت وهم رفضوا ..؟!!! “
أبرزهم ماجدة زكي.. من هم ممثلو مسلسل قوت القلوب؟
وأضافت نسرين: “مدام عفاف كلمتنا.. وأنا وأسرتي رغم عدم رغبتنا في إكمال العمل ده تحديدا، وتكرار مأساة الحلمية، قلنا لها خلاص نقرا حلقات وبناءً عليه نرد، وده عشان مانزعلش حد من المحترمين اللي حابين يعملوا جزء ثالث واهم كلهم برضه حبايب أبويا وعشرة، وبالفعل قرينا والمستوى مكانش كما المأمول وردينا وقلنا: لا بلاش وانتهى.
وأكملت نسرين: “عندي فضول أستكشف أسباب الجرأة العجيبة في النزول بخبر زي ده، عموما أنا وأسرتي بنقولها صريحة اهو: “لا فيه اتفاق على شهد ودموع جزء تالت وللا هنسكت لو ده حصل بدون الرجوع لينا”، أنا بقالي فترة مش مرتاحة لحاجات كتير وساكتة، بس فيه حاجات مايتسكتش عليها، أسامة أنور عكاشة مماتش على فكرة“.
