سعد الصغير: "لغيت أفراح وتسجيل أغاني ومش مستعد أضحي بحياة أي واحد من فرقتي عشان الفلوس"
واصل الفنان الشعبي سعد الصغير، الحديث عن فيروس كورونا، والذي تسبب في وفاة وإصابة الآلاف على مستوى العالم، نتيجة سرعة انتشاره بالاختلاط، وهو ما أدى إلى توقف عجلة الإنتاج لكافة المجالات.
وقال “سعد” لـ"فيتو": "معنديش استعداد أضحي بحياة فرد من فرقتي عشان خاطر الفلوس، لأن دول مش ناس شغالة معاية دول عشرة سنين طويلة وبعتبرهم أخواتي قبل ما تكون فرقة موسيقية كل اعتمادي عليهم فى الشغل، هما معايا في الفرح قبل الحزن".
وتابع: "لو عرفت إن واحد من الفرقة اتأخر بره البيت بعمل معاه مشاكل كبيرة، لإني خايف على حياته، ووقفت تسجيل أغاني، وشغل أفراح نهائي لحين الانتهاء من الأزمة، ومعنديش استعداد أضحي بحياة أي واحد من فرقتي عشان خاطر الفلوس".
واختتم قائلًا: "أنا بقول لكل مطرب ياخد باله من أعضاء فرقته، ولازم يعوضهم وهما قاعدين، لأن كل المطربين فايف ستار، وكسبوا كتير وركبوا عربيات، وبقول أي عضو فرقة لو مقبضتش كلمني أنا هتعامل مع المطرب لحل المشكلة".
