مها أحمد لزوجها: "كل البنات تتمنى نظرة منك"

وجهت الفنانة مها أحمد رسالة حب لزوجها الفنان مجدي كامل عبر صفحتها الشخصية علي موقع الصور الشهير “إنستجرام” ونشرت صورة من حفل زفافهما.

وعلقت مها علي الصورة قائلة «طول عمرى كنت بحلم إن ربنا يكرمنى ويكون من نصيبى شاب ابن حلال وطيب وحنين وشهم وجدع وأهم شيء يكون بيحبنى ويحطنى جوه عنيه».

مجدي كامل ومها أحمد في «أنا وبنتي» على «ON E» (فيديو)

وأضافت «الحمد لله رب العالمين إنى من أول يوم دخلت فيه المعهد وبدأت تحقيق طموحى الفنى .. ربنا رزقنى بالهدية اللى كنت بحلم بيها وهى أنت من أفضل وأجدع شباب المعهد .. كل البنات تتمنى نظره منه لكن ربنا أراد إنك تختارنى وتحبنى وتراعى ربنا فيا .. وأنا بقلب في ألبوم ذكرياتى الجميله افتكرت كل كلمه حلوه قلتهالى كل طبطبه طبطبت فيها عليا كل حب كل حنان طول فترة زواجنا كنت صاحبى واخويا وابويا واستاذى وابنى عمرك محرمتنى من حاجه كنت سخى فكل حاجه».

وتابعت: «ربنا يخليك ليا ولولادك يمكن الظروف الصعبه اللى مرينه بيها عمرك محسستنى ان الحمل تقيل عليك رغم انى عارفه انه تقيل وتقيل قوى بس انت قد كل صعب زوجى وافتخر النجم المكافح المحترم المحبوب حبيب الملايين مجدى كامل .اسفه طبعا انى اقول القاعده مده طويله فالبيت اعتقد انها مصلحه لكل زوج وزوجه يطلعوا البوم ذكرياتهم ويحاولوا يسترجعوا احلى ايام العشره الطيبه يمكن لو عملنا كده ربنا يهون علينا ويفك كربنا ويبعد البلاء. بسم الله ماشاء الله ربنا يباركلى فيك ويخليك لولادك ويقويك حبيب عمرى نجم النجوم مجدى كامل».