محمد أنور عن الحجر الصحي: "فات الكتير ما بقى إلا القليل"
نشر الفنان محمد أنور، عبر صفحته الشخصية على موقع "تويتر" ڤيديو يناشد فيه جمهوره بطريقة كوميدية من مطبخ منزله، ضرورة الجلوس في المنزل، لمنع تفشي فيروس كورونا.
وقال محمد أنور في الفيديو: "سلام عليكم أنا عارف يا جماعة إنكم أكيد اضايقتوا واتخنقتوا من كتر الڤيديوهات اللي بتقولكم الفترة اللي فاتت خليكم في البيت، فأنا مش عامل الفيديو ده عشان أقولكم خليكم في البيت لأنكم أصلًا قاعدين في البيت، ربنا يحفظنا جميعًا يا رب ويحفظ ولادنا".
وتابع: "معلش يا جماعة والله فات الكتير وما باقي إلا القليل وتفاءلوا بالخير تجدوه وأنا إن شاء الله متخيل ومتوقع إنه الفترة الجاية بإذن الله هتنتهي والمحنة ديه هنخرج منها سالمين".
وأضاف: "طبعًا قعدة البيت كلها ملل وخنقة شوية، وأكتر ناس بتتخنق منها الستات أكتر من الرجالة، ونتمنى من الله منقعدش أكتر من كده عشان منولعش إحنا في البيت بنفسنا".
محمد أنور: "طلقة حظ" نقلة نوعية في مشواري الفني
في السياق ذاته أكد "أنور" على ضرورة عدم التضييق على من يخرجون من منزلهم متجهين إلى عملهم، قائلًا: "بطلب من الناس اللي قاعدين في البيت أنهم ميضايقوش من الناس اللي بتنزل الصبح سواء اللي بنشوفهم في زحمة المترو أو المواصلات، الناس ديه بتنزل غصب عنها عشان أكل عيشها لأنهم غصب عنهم هو أكيد مش عايز يموت، هو عايز في الأول وفي الآخر يرجع في آخر اليوم بفلوس عشان يأكل ولاده ندعلهم ربنا يرجعهم لأهلهم بالسلامة ويحاولوا يحافظوا على نفسهم على قد ما يقدروا".
