وقال الحمار: آخر طريقنا فين؟!
نفسي أشوف يوم حمار مع صاحبه متفقين
بَدَل الخلاف اللي بينهم من شمال ويمين
صاحب الحمار راكبه داَيْمًا والحمير رافضين
وسط الهموم والقرف راح يفضلوا عايشين
ونفسهم يعرفوا آخر طريقهم فين..
فسألت يوم الحمار.. ليه الحمير ثايرين؟
قام قال لي ماتشوف يا شيخ فِعْل البني آدمين..
بيحاربوا بعض وفوق ضهر الحمير راكبين
يبقى عايزنا نسيبهم يطمعوا فينا
ويبهدلونا ونفضل عمرنا ساكتين؟!