رسالة حب من دينا الشربيني لوالدتها في عيد الأم

وجهت الفنانة دينا الشربيني رسالة حب لوالدتها بمناسبة عيد الأم عبر صفحتها الشخصية علي موقع “إنستجرام”.

وكتبت دينا : “كل سنة وأنت طيبة..كل سنة وأنت معانا..كل سنة وأنت أجدع وأطيب وأحلى أم فى الدنيا.. أنا وإخواتى من غيرك ولا حاجة.. صعب اوى اقدر أعبر عن الحب اللىجوايا ليكى.. أنت حبيبتى، أمى الحنينة الطيبة اللي بتضحكنا من غير ما تقصد.. اللي قلبها واجعها علينا طول الوقت أنا وإخواتى”. 

اقرأ أيضا: 

إيناس عز الدين تهنئ والدتها بعيد الأم | فيديو

وأضافت دينا: “عمرى ما هقدر أرد لك اللي عملتيه وبتعمليه علشانا..ربنا يخليكى لينا..أنا مقدرش أعيش من غيرك..بحبك يا أمى أكيد اللي أنا كتبته لأمى من قلبى ده كلكم حاسينه لأمهاتكم”.

وتابعت :”هما عاشوا علشانا.. وجه الوقت اللي نعيش فيه علشانهم..ارجوكم عايزين عيد الأم الجاى يكونوا أمهاتنا وسطينا.. وربنا يارب يخليهم لينا.. احموا نفسكم من المرض علشان تحموهم”.

واختتمت “ربنا يخلى كل الأمهات لولادهم، يارب أمهاتنا سهروا وتعبوا وعاشوا طول عمرهم علشان يحمونا، ودلوقتى جه دورنا علشان نحميهم..لو سمحتوا لازم كلنا نخاف على أهالينا اكتر من نفسهم.. علشان هما عاشوا طول عمرهم خايفين علينا اكتر من نفسنا.. اللهم احفظ لنا أمهاتنا واجعلهم أسعد خلقك يا رب العالمين.. ربى اسعد أمهاتنا عدد ما ضخت قلوبهم وعدد ما رمشت عيونهم وابعد عنهم كل سوء يا الله.. يارب لا تحرمنا من أمهاتنا وآبائنا فلا يعوضنا شيء عنهم واجعل البسمه لا تفارق شفاههم أبدا .. يارب اطل بعمر أمهاتنا وآبائنا والبسهما ثوب الصحة والعافية ولا ترينا فيهم أى مكروه اللهم آمين”.