شذى تهاجم الجمهور بسبب حملات "خليك فى البيت" | فيديو
دخلت الفنان شذى، فى أزمة، مع الجمهور، بعد الانتقادات التى شهدتها فى الساعات الأخيرة، عبر موقع التواصل الاجتماعي، للاعتراض على حملات "خليك في البيت" التي تبناها كثيراً من الفنانين، دعما للإجراءات الاحترازية التي طالبت بها الدولة.
فى هذا السياق نشرت “شذى”، عبر حسابها الرسمي على موقع الفيديوهات الشهير “انستجرام” فيديو للرد على هذه الانتقادات، حيث قالت : "لقيت هري وهبد على السوشيال ميديا وناس زعلانة إننا بنقول اقعدوا في البيت ويقولوا الفنانين مش حاسين بالناس واصرفو عليهم.. يا جماعة مش كل الفنانين زي اللي بتشوفوهم بيستعرضوا حاجتهم بدون ذكر أسماء وعندهم كام عربية وكذا فيلا.. لا في فنانين عاديين جدا وأنا منهم الحمد لله".
وأضافت شذى : "مستوايا الاجتماعي كويس بعيدا عن الشغل خالص.. تقريبا مبكسبش من شغلي حاجة فظيعة.. بيتي إيجار عندي التزامات ومصاريف فا إحنا لما بنقول اقعدوا في البيت فا إحنا معاكم على فكرة.. أنتم مش هتقعدوا في البيت وإحنا هننطلق .. علشان خاطر الوباء ده مينتشرش.. فبلاش بقا موضوع ومين هيصرف ومين هيعمل.. ربك اللي بيرزقني وبيرزقك وبيرزق اللي مش لاقي شغل.. وأصلا اللي هينزل يشتغل هيشتغل فين ما هو مش هيلاقي حد يشتغل معاه أو عنده لأن الناس المفروض تقفل ع بعضها".
واختتمت شذى حديثها قائلة: "بوجه كلامي للناس اللي بتكتب تعليقات مستفزة بلاش حكاية وانتوا مش حاسين بالناس لأن إحنا بنشتغل باليوم برضو على فكرة، إحنا لو معندناش حفلة النهاردة ولا فرح بكرا ولا مسلسل ولا فيلم ولا تصوير إحنا مش هنلاقي ناكل فا إحنا زينا زي الأرزقي اللي بيشتغل باليومية".
