نهي في دعوى خلع: ربنا انتقم لي منه ورجله اتقطعت

سيدة تقف حائرة علي أعتاب محكمة الأسرة، لا تدري إلي أين تذهب؟! ولا تعلم عن ماذا تبحث؟! كل ما تدركه أنها جاءت لهذا المكان لتجد حلا لمشاكلها الأسرية التي لم تستطع أن تحملها على عاتقها أكثر من ذلك.

نهي 25 عام تزوجت من شخص يعمل أسبوعيا في منطقة العاشر من رمضان ويعود للمنزل كل أسبوع، واستمر الزواج شهر واحد، وبعد ذلك ابتدت الخلافات والمشاكل بينهم بسبب شقيقته التي تعيش معهم في نفس الشقة، وتري نهي أنها متحكمة في كل شئ في شقتها، فأخبرت زوجها أنها لم تستطيع العيش مع شقيقته وأنها تريد أن تعيش مستقلة بنفسها، فكان ذلك محور الخلاف، دفع الزوج لطرد الزوجة لبيت أهلها.

حكم خطبة المعتدة من طلاق بسبب خلع؟ لجنة الفتوى تجيب

ومنذ ذلك الحين ابتدت نهي في اجراءات المحاكم ورفع بلاغ بالقائمة منقولاتها، وعندما علم زوجها ذلك أرسل لها عفش اخته القديم ورفض اعطاءها عفشها الجديد، وقال لها – علي حد قولها- "هزل أنفاسك هخليكي تتمني تبوسي جزمتي عشان ارحمك من اللي هعمله فيكي".

وتابعت "نهي" اكتشفت بعد كده أنه مصورني وانا نايمة وقالي هفضحك وهقول أنك مكنتيش بنت وأني طردتك بعد شهر جواز عشان مكنتيش بنت، بعد لما أرجع من الشغل يوم الجمعة هوريكي، ويشاء القدر أن يصاب في حادث ميكروباص، وتتعرض رجليه الاثنين للبتر.

ومنذ ذلك الحين ويلح عليا الكثير من أهل بلدي وخاصة أنني أعيش في منطقة ريفية لكي اعود إليه اخدمه، ويقولون لي "انتي لو سبتيه كده انتي مش بنت اصول والضغط عليا شديد عشان ابوه وامه متوفيين بيقولولي اكسبي فيه ثواب دا بقي معاق، طب مهو عنده  7 اخوات ما يكسبوا هما الثواب، وهو مكسبش فيا ثواب ليه لما كان بيتواعدني بالفضيحه والذل و الافتراء". 

ما الحقوق الشرعية التي تتنازل عنها الزوجة في حالة الخلع؟

وأوضحت نهي "اخواته كل واحده عليها يوم تروح تقعد معاه وتكفي طلباته وبيتخانقوا كل يوم مع بعض عشان مين اللي عليها الدور تقعد مع اخوها"، والناس بتلح عليا ارجعله انا تعبت ونفسيتي تعبت مش ده اللي كان حالف لما ينزل يفضحني؟! مش دا اللي بدل عزالي بعزال اخته المطلقه؟! مش دا اللي كسر خاطري و انا عروسه؟؟

وتابعت نهي "هو طردني عشان اخته.. ما يطلقني بقي ويسبني حيه ارزق، بدل ما كل الناس عماله تنهش في سيرتي كده علي اساس أن انا اللي قلبت بيه الباص".

واستطردت: "مستحيل أرجعله أنا مغلطتش في حاجة، ومش هاجي علي نفسي علشان حد ميستاهلش، انا كرهته بالمعني الحرفي لو رجعتله هكون بنتحر لاني مبقتش اطيق اسمع اسمه و لا سيرته مقدرش ارجع اعيش معاه تاني، وجيت النهارده علشان هرفع قضية خلع واخلص منه للأبد".