نادر حمدي عن عمرو دياب : تاريخ ماشي على الأرض
أحيا الفنان عمرو دياب حفلا غنائيا ضخما فى المنارة بالتجمع الخامس بحضور الآلاف من جمهوره، وصناع ألبومه الأخير “سهران” وهم تامر حسين، نادر حمدي، أحمد المالكي، عزيز الشافعي، وغيرهم.
ونشر الموزع الموسيقى نادر حمدى صورة عبر حسابه الرسمى بموقع الصور “إنستجرام” برفقة عمرو على المسرح وعلق قائلًا “مستقبل و حاضر و تاريخ ماشي على الأرض ولسه بيمدنا بعطائه اللي أنا ماشفتش زيه في مطرب آخر عشان كده بقدر كل خطوة و كل طلب بيطلبه مني لما بنشتغل مع بعض.
وتابع “لو شايفين الصورة هتلاقوني "متشعلق" فيه مش حاضنه عشان ده إحساسي ناحية الأغنية المصرية وهو ممثلها لو الراجل ده مش بيتعب عشان ينجح بالشكل ده كان زماننا مابنسمعش غير اللي بنسمعه اليومين دول مع احترامي لكل انواع الفن بس إحنا بنسعى للتحضر و لتحسين الذوق العام و ربنا يقدرنا جميعاً”.
ويحتفل اليوم الفنان عمرو دياب بإطلاق CD ألبومه الجديد “سهران” فى متجر فيرجن، ومن المقرر أن يحضر صناع العمل هناك للاحتفال مع الجمهور، مثل ما يحدث مع كل ألبوم يطرحه الهضبة.
