مسيحيو أسيوط و أستراليا سيدخلون الجنة.. والأسكندرانية في النار
أمطار وزعابيب صاحبت أعياد رأس السنة في كل من محافظات الدلتا والقاهرة، وساد جو معتدل مشمس في محافظات الصعيد، هذه ليست نشرة جوية، إنما خريطة لمن سيدخل الجنة والنار، وفقًا للأحوال الجوية، بعد تويتة بنت الشاطر التي فرقت فيها بين أعياد المسلمين والكفار على أساس الشمس والشتاء خرجت آلاف التعليقات الساخرة على موقعى تويتر وفيس بوك، "فيتو كافيه" رصدت أبرز تلك التعليقات ..
أحمد الصباغ : بنت خيرت الشاطر كاتبة إن الجو فى أعياد المسحيين بيبقى زعابيب عشان هما كفار انما فى اعياد المسلمين بتبقى الشمس مشرقة عشان هما حلوين .... ملاحظات وأسئلة :
- لو عيد المسلمين جه فى يناير الشمس هتبقى مشرقة بردو؟
- ليه أغلب المصريين بيبقوا فرحانين بالشتا والمطر والزعابيب طالما ده غضب من الله
- اذكر تأثير التعليم المجانى على بعض الناس
- ما هو حال الطقس فى اعياد اليهود والبوذيين والبهائيين وباقى الديانات
- ما موقف عيد القيامة المسيحى اللى بيجى فى ابريل والجو معتدل؟
- هو خيرت الشاطر عارف ان بنته عندها فيسبوك؟
محمد كريم : يعنى لما الدنيا بتمطر فى عيدنا ولا الجو يبقى حر شديد فى رمضان يبقى ربنا غضبان على المسلمين
مينا مجدي : طيب فى أسيوط الجو كان مشرق وبديع ودافى يبقى اية الوضع ؟؟؟مسيحيين اسكندرية كفرة ومسيحيين أسيوط مؤمنين ؟
احمد حسن : مش هاقدر اقول غير انك عيله وغلطت لان الكلام ده مش بيطلع الا من العيال اللي لسه داخل مدرسه جديد بيقعدوا يغيظوا بعض مثلا انا عندي جيب وانتي لأه انا معايا مسطره كبيره وانتي لأ احنا العيد بتعنا مش فيه شتا وانتوا لأ .... مع العلم ان في اعياد كتيره حضرتها في الشتا والدنيا كانت بتشتي
احمد زقزوق : ومعانا مداخلة من استرليا : آلو .. حضرتك مسيحي ؟؟ أيوا .. مسيحي عندكم برد ؟ برد ازاي يا حمار احنا عندنا صيف .. شفتي يا خديجة ؟؟ طلع عندهم صيف.. و مش هيدخلوا النار
