أيمن بهجت قمر يعتزل كتابة الأغاني
أعلن الشاعر الغنائي أيمن بهجت قمر اعتزال كتابة الأغاني بشكل نهائي وقرر تفرغ لكتابة السيناريوهات سواء المتعلقة بالدراما أو السينما أو المسرح.
وكتب قمر عبر حسابه الشخصي بموقع التواصل الاجتماعي “ فيس بوك” تدوينة طويلة قال فيها: “بقالي فترة مش صغيرة بفكر جديا في اللي هقوله دلوقتِ أنا قررت إن أغنية مهرجان هي آخر أغنيه أنا هكتبها وخلاص هعتزل تأليف الأغاني“.
وأضاف قمر: “هكتب أفلام مسرح مسلسلات لكن خلاص هبعد عن مجال الموسيقى هنتج بس أنا بقالي ٢٨ سنة بكتب أغاني وطول الوقت في توتر وضغوط عاصرت أجيال كتير من ١٩٩٢ لحد دلوقتي وخلاص قررت أرتاح من السبق ده.. أنا آسف مش هرد على أي زميل يتصل بيا عشان ما حدش يأثر عليا”.
يذكر أن ايمن بهجت قمر كتب عددا من الأغاني الناجحة مع كبار النجوم في مصر والوطن العربي، كما ألّف عددا من الأفلام السينمائية الناجحة، ومنها فيلم “إكس لارج” و“ابن القنصل” و“من تلاتين سنة“ وغيرها.
