مي كساب تهاجم حسن شاكوش: "اتقي ربنا في اللي بتقدمه وما تسرقش لحن حد"
نشرت الفنانة مي كساب زوجة مغني المهرجانات “أوكا” تدوينة طويلة، عبرت خلالها عن موقفها من أغاني المهرجانات بشكل كامل، وما يتم تقديمه الآن من أغاني على نفس الشاكلة.
وقالت مي: “أنا مصممة إنها اسمها راب شعبي وليست مهرجانات، وأصبحت لون موجود حبيناها أو ما حبينهاش والدليل إنها وصلت عالميا لأن طريقة الغناء بالمزيكا شبيهة لموسيقى الراب العالمي”
وأضافت مي: “للأسف اللي بيحصل اليومين دول عبث فأنا لما قابلت أوكا واورتيجا زمان لما كانو لسه صغيرين كان عندهم أغاني فيها كلام مش حلو وفاكرة كويس جدا اللحظة اللي قلت فيها لمحمد اللي هوه جوزي إن في أطفال كتير بتردد وراكم الكلام ده أنتو هتشيلو ذنبهم عمري ما هانسى كلامي أثر فيه إزاي وإزاي شفت لحظة ندم كبيرة جواه ومن ساعتها أغلب أغانيهم هو اللي بيكتبها وفاكرة كويس جدا وقت العب يلا إزاي كان مموت نفسه عشان يكتب كلام سهل وحلو فيه رسالة ويعمل مزيكا جديدة ما فيهاش خبط ورزع ودستورشن ونجحوا هما الاتنين إنهم يعملوا نقلة كويسة جدا في استايل أغانيهم لحد ما هب علينا صاحب التوزيعة الواحدة اللي ما بتتغيرش وبيترمى عليها أي كلام”.
تامر حسني ونانسي عجرم نجوم حفلات "زد بارك".. 28 فبراير
وأكملت: “الأغاني الحالة كلها وباء وللأسف الكلام ده نجح مع الشباب المتمرد اللي عاوز يخرج عن العادات والتقاليد والمبادئ وخلاص عارفين ليه؟.. عشان بقى فيه جيل كامل أهاليهم مش شايفينهم ولا فاهمينهم ولا عارفين يربوهم ولا يتواصلوا معاهم فوصلنا للحاله المزرية دي“.
ووجهت مي حديثها لحسن شاكوش حيث قالت: ”حسن شاكوش صوت حلو وقوي لكنه كبير وعاقل بالقدر اللي يخليه يعرف هو بيغني إيه وليه يعني مش مضحوك عليه أتمنى يراجع نفسه ويتقي ربنا في اللي بيقدمه للأطفال والشباب ويتقي ربنا في حقوق الناس عاوز تاخد لحن تغنيه كلم صاحبه الأول هو مش سطو مسلح.. في قانون وفي حقوق ما ينفعش تتعداها وبالمناسبة برضه أوكا وأورتيجا أما بيحبوا يغنوا لحن بيستأذنوا صاحبه ده لو حصل وآخر كلامي لأستاذي هاني شاكر بأترجاك فعل شعبة الراب الشعبي وحط لهم قوانين وقواعد”.
