جنش عن حراسة مرمى المنتخب: في ناس مش شايفة غير أحمد ومحمد | فيديو
قال محمود جنش، حارس مرمى نادي الزمالك: إنه لا يتأثر بموضوع عدم مشاركته مع المنتخب الوطني، مؤكدًا أنه يقوم بدوره جيدًا في التدريبات أما مسألة الاختيار فتعود للجهاز الفني الذي يحدد من يشارك.
وأضاف "جنش" خلال حواره لبرنامج "زملكاوي" مع خالد الغندور، والمذاع على قناة "الزمالك" الفضائية: "أنا مش بتضايق من عدم مشاركتي مع المنتخب عشان كلنا واحد.. في ناس كانت عاملة منافسة بين محمد وأحمد وطلعتني أنا وأبو جبل بره خالص".
وتابع: "كلنا واحد، وشرف ليا إني أروح لمنتخب بلدي.. ومسألة اللعب كله نفسه يلعب.. اللي ممكن تزعل بسببه أنه مبقاش فيه مساواة".
وعن علاقته بالجمهور أكد حارس مرمى الزمالك: "لما بلاقي نفسي الدنيا معايا مش تمام بحب أنزل الشارع.. ولما بحس أني مخنوق بنزل.. الناس بتديني دفعة قوية، وهم بيحبوني الصراحة عشان كدا لما بلعب بموت نفسي".
