عبدالمنعم أبوالفتوح خارج جبهة الإنقاذ.. ليه وإزااااااى؟!
اتصلت بالدكتور عبدالمنعم أبوالفتوح، رئيس الحزب مصر القوية والمرشح السابق لرئاسة الجمهورية، عندما علمت برفضه الانضمام لجبهة إنقاذ مصر فقلت له: إيه ياعمنا ليه رفضت الانضمام للجبهة ؟! .. قال: علشان هى جبهة ياعم سحلول.. والجبهة لاتكون إلا فى وجه عدو.. وأنا لا ارى أعداء كى أجابههم .. هى فقط اختلافات فى الفكر والاسلوب !! .. قلت: هذا كلام جميل يادكتره لكنى مش مقتنع !!.. قال: ياعم سحلول انت عارف إن جماعتنا الإخوان مالهمش حل وهيمسكوها هيمسكوها.. وأنا مش عايز ادخل معاهم فى عداوة مباشرة وانت عارف انى أكلت معاهم عيش وملح !! .. قلت : انت تريد صالح الوطن ياعمنا !! .. قال : صالح الوطن من صالح الجماعة وماتفهمنيش صح يا سحلول بيه !! قلت: طب والتحالفات الانتخابية يادكترة دا انت كده ولا هتطول بلح الشام ولا عنب اليمن!!.. قال: لا تقلق يا أبوالسحاليل فنحن سنكون جبهة مع حازم صلاح أبوإسماعيل وحزب الوسط نخوض بها المعركة الانتخابية!! .. قلت: أديك قلت جبهة أهو.. تقدر تقولى مين العدو ؟! .. قال: عديها ياعم سحلول !!
