محمود العسيلي بعد عقد قرانه: «يارب تكون التالتة تابتة»
نشر الفنان محمود العسيلي عبر صفحته الشخصية علي موقع الصور الشهير “إنستجرام” مجموعة من الصور من عقد قرانه وعلق على الصور قائلاً: «تبات ونبات الفستان الأبيض، إحساسك ايه النهارده، الليلة و أخيرا فرحة، أغاني عملتها من اول ما ابتديت لغاية النهارده باتكلم فيها عن العيلة والاستقرار والحب والعيال».
وأضاف: «كل أغنية فيهم بتتكلم عن موقف جميل وأسلوب حياة كنت بأحلم إني أعيشها وفعلا حاولت في تجربتين جواز إني اشوف الحياة اللي أنا باحلم بيها تتحقق على ارض الواقع و لكن للأسف التجربتين مانجحوش .. والفشل مش لازم يكون معناه ان حد وحش..لا ..هو بيكون تقصير من الطرفين وبيكون بجد قدر ونصيب».
محمود العسيلي يحتفل بعقد قرانه
وتابع :«الفشل عمره ما كان عيب بس الكارثة الحقيقية اللي ناس كتير بتعملها فهي الاستمرار في الفشل و التصميم على التعاسة عشان ظروف خارجية أو وهمية مالهاش علاقة بالاتنين اللي عايشين في الدوامة وخلاص بيغرقوا.. أنا رفضت أعيش تعيس وهافضل ادور عن السعادة اللي كتبتها في الأغاني بتاعتي وباتمنى من ربنا سبحانه و تعالى إني أكون لقيتها فعلا وتكون التالتة التابته».
