أبلة فاهيتا عن محمد صلاح: "سايب أرامل بلده ورايح يتصور مع بنت معصعصة"
علقت الدمية الشهيرة أبلة فاهيتا، علي ظهور محمد صلاح نجم نادي ليفربول الإنجليزي مع الحسناء البرازيلية عارضة الأزياء 'أليساندرا أمبروسيو' وهي تحتضنه، قائلة:"مش معقولة سايب أرامل بلده ورايح يتصور مع البت المعصعصة البرازيلية"، لتعقب لميس الحديدي:"عايزاه يسييب البت القمر دي ويجي يتصور معاكي انتي"، لترد فاهيتا:"يا أختي وماله ما أنا حلوة وقمر أهو".
وأضافت "لميس"، خلال برنامج "القاهرة الاَن"، المذاع على قناة "الحدث":"صوره مع عارضة الأزياء البرازيلية إعلان ومفيش مشكلة شوفتها، وشوفت الأمر عادي.. ربنا يخليله أم مكة يعني"، لتعقب أبلة فاهيتا:"يخليها يا حبيته ليه ولينا..بس أم مكة تستاهل كل خير وقفت جنبه لحد لما وصل..وهو يا حبيبي جوز مخلص وأب فرفوش خالص..بذمتك عمر عمرو أديب لبسلكم طرزان في البيت زي صلاح"، لترد لميس ضاحكة:"بلاش طرزان ده".
كواليس حلقة أبلة فاهيتا مع لميس الحديدي في "القاهرة الآن" | صور
وتستضيف “الحديدي” أبلة فاهيتا في حلقة خاصة الليلة، وتكشف الدمية الشهيرة كواليس عودتها ببرنامج جديد في 2020، وتعليقها على حصاد 2019 بطريقتها الكوميدية المعهودة، وغيرها من الأمور.
