كامل الوزير لركاب القطارات: مش عايزينك تموت.. والتذكرة مش هتفقرك
وجه المهندس كامل الوزير، وزير النقل، رسالة لركاب قطارات السكك الحديدية، قائلًا: "لو سمحت ساعدنا احنا جايين نخدمك وسعداء لخدمتك، اتبع تعليمات الأمان والسلامة والإرشادات واللوائح، متسطحش أعلي القطار والعربات خاوية، ولا تجلس بين العربات لأن أمانك بالنسبة لنا مهم ومش عايزينك تموت".
وتابع خلال حديثه لبرنامج "على مسئوليتي"، المذاع على قناة "صدى البلد": "أقول أيضا للراكب: اركب القطار وادفع تذكرة، التذكرة مش هتفقرك ولكن هتعمل معانا احنا كتير، ومتعديش من على مزلقانات السكة الحديد إلا من المكان المؤمن لذلك، ولو سمحت متدخنش سجاير في القطار علشان ده بيضر الناس"، لافتًا إلى أنه سيتم فرض غرامات مالية على المدخنين داخل القطارات.
كامل الوزير يكشف تفاصيل جديدة حول تكلفة العاصمة الإدارية
وناشد الباعة الجائلين داخل القطارات، قائلًا:"احنا عاملين أكشاك على الأرصفة وخارج المحطات تواجدوا فيها ويمكنكم تأجير بعض الأماكن"، مؤكدًا أنه سيتم منع الباعة الجائلين من التواجد داخل القطارات حرصا على راحة الركاب.
وحذر ركاب القطارات من "التسطيح" حرصا على حياتهم، مضيفًا:"المال العام مش هيبقي سايب تاني وسيتم الحفاظ عليه لإستخدامه في خدمة المواطنين".
