هريدي نيوز.. المجلس القومي للمرأة: الرجالة لازم يتعلموا يطبخوا ويغسلوا ويكووا.. إحنا مش بنشتغل عند أهاليهم
علمت وكالة "هريدي نيوز" الإخبارية أن المجلس القومي للمرأة أعلن رفضه لحالات ضرب السيدات المنتشرة بين الأزواج مؤخرا.. وقالت إحدى عضوات المجلس خلال الاجتماع الأخير: لازم نشوف حل لعنترية الرجالة.. كل واحدة مننا تعلن العصيان على جوزها علشان نكون قدوة لستات مصر.
صرح بذلك مصدر "فشار" غاوي تنكيت وهزار، وأضاف أن إحدى العضوات قالت لسيدات المجلس: هو إحنا هنفضل طول عمرنا عايشين تحت جناح شوية الرجالة دول؟!.. لازم الرجالة يتعلموا يطبخوا ويغسلوا ويكووا.. إحنا مش شغالين عند أهاليهم علشان نعمل كل ده.. كفاياهم "سنكحة" بقى.
