رئيس التحرير
عصام كامل
Advertisements
Advertisements
Advertisements

مرتضى منصور يرد على مروجي الفيديو المسيء: لو مأخدتش حقي بالقانون هيبقى فيه دم.. الفيديو جاي من تركيا وأنا عمري ما روحتها.. أنا مش ساكت خوف.. ولو رديت على تركي آل الشيخ هسيء للعلاقات المصرية السعودية

فيتو

في أول رد له على الفيديو المسيء الذي تم تداوله خلال الساعات الماضية، قال مرتضى منصور، رئيس نادي الزمالك، إنه لن يسكت على حقه لأن «الموضوع زاد عن حده»، مضيفا: «عايز أقول لكلاب قطر وتركيا بالجزمة القديمة».

 

الفيديو متكلف
وأشار مرتضى منصور، في فيديو بثه منذ قليل على صفحته الشخصية بموقع «فيس بوك»، إلى أنه سعيد بالفيديو لأنه «متكلف»، موضحا: «الفيديو جاي من تركيا بس أنا عمري ما روحت تركيا.. وأنا مش هتكلم عن رجولتي طبعا لأن ده عيب».

وأضاف «منصور»: «الحقوق بتتاخد بطريقين النيابة العامة أو الموت، وأحسن لهم يتحبسوا، لأن العيال اللي عملوا الفيديو يا إما يتحبسوا يا يموتوا».

النائب العام
وشدد رئيس الزمالك على احترامه للنائب العام، قائلا: «أنا مش شاغل بالي دلوقتي لأن فيه نائب عام محترم»، مطالبا بحبس من صمموا الفيديو ونشروه بهذا الشكل مهددا بقتلهم حال عدم حبسهم «لو متحبسوش.. فيه حقوق بتتاخد بالدم».

وذكر «منصور» أن كل أجهزة الدولة أخدت علم بالموضوع وأن المفاجآت قادمة على جميع المستويات، مضيفا: «أنا مش ساكت خوف ومش على على راسي بطحة بس ده اتفاق مع إعلام المصريين.. ولو مأخدتش حقي بالقانون هيبقى فيه دم».

ترك آل الشيخ
وقال رئيس الزمالك: "عايز أقول للأخ اللي بيقول أنا واخد ساعات وهدايا وفلوس من الأخ تركي آل الشيخ، رئيس هيئة الترفيه السعودية، أنا عايز الأخ ترك يطلع يقول ماركة الساعة التي أخذتها منه إيه وفين دا بيصور كل حاجة، لأن ردودي مبتبقاش على عيال صغيرة».

وأشار إلى أن رده على ترك آل الشيخ من الممكن أن يسيئ للعلاقات المصرية السعودية، لكنني أحافظ على هذه العلاقات».
من ناحية أخرى، أعلن رئيس الزمالك أنه سيجتمع مع مسئولي إعلام المصريين يوم الأحد أو الإثنين المقبلين لتحديد موعد انطلاق قناة الزمالك.
Advertisements
الجريدة الرسمية